Iƹibraniyen 11:31 - Ṯarifiṯ 2020

³¹ S lʼiman ṯaḥenjirṯ nni umi qqaren Riḥab iy tuɣa iffɣen abrid, ṯekkar nettaṯ ṯreḥḥeb s lmuxabaraṯ n Ayṯ-Israʼil. S manayenni war ṯemmuṯ ca ak yinni war itṭiƹin ca.

Iƹibraniyen 11:31 ပူးပေါင်းရင်းမြစ်များ

Matta 1:1

Wa ḏ lkitab n ȓejḏuḏ n Ƹisa Lmasiḥ, wenni iǧan zi ddurriṯ n Dawed ḏ Brahim.

Matta 1:5

Salmun ijja-d Buƹazza ak ṯemɣarṯ nnes Riḥab. Buƹazza ijja-d Ƹubayd ak ṯemɣarṯ nnes Raƹuṯ. Ƹubayd ijja-d Yassa.

Ȓexḏayem 15:33

Qqimen dinni ijjen n lmudda, menbaƹd ssekken-ṯen ȓmuminin nni ḏi ȓehna ɣar yinni iy ṯen d issekken.

Iƹibraniyen 3:18

U min ƹnan yinni iy xef ijjuǧ Arebbi inna-asen ƹemmarṣ aḏ aḏfen ḏi arraḥeṯ inu? Yac ḏ yinni war itṭiƹin ca niɣ?

Yaƹqub 2:25

Amenni uȓa ḏ ṯaḥenjirṯ nni umi qqaren Riḥab tuɣa ṯeffeɣ abriḏ, iḥseb-it Arebbi nican s min ṯegga wami ṯreḥḥeb zi ṯnayen nni n lmuxabarat, ṯsenjem-iṯen ṯessekk-iṯen x yijjen n ubriḏ nneɣni.

1 Buṭrus 2:8

U ƹaweḏ iqqar: Qa tenqȓaḍen ḏayes minzi ƹeṣṣan awaȓ nnes, amenni iy xasen yura.

1 Buṭrus 3:20

Mayemmi? Liʼanna mecḥaȓ zeg wami ḏi zman n Nuḥ ugin yiwḏan-a aḏ ggen array i Arebbi wami ṯen tuɣa itraja s ṣṣbar itṣennaƹ aɣarrabu n Nuḥ. Ḏeg uɣarrabu-ya ḏrust n yiwḏan ṯmenya waha kkin x waman nni nejmen.