Iƹibraniyen 10:5 - Ṯarifiṯ 2020

⁵ X manaya, wami d yusa Lmasiḥ ɣar ddunect-a inna-as i Arebbi: <Ṯeswejḏeḏ-ayi ijjen n ddat, war ṯerzuḏ ca dbiḥaṯ ḏ ṣṣeḏqeṯ lla.

Iƹibraniyen 10:5 ပူးပေါင်းရင်းမြစ်များ

Matta 11:3

ḥima aḏas inin: "Ma ḏ cek iy xef netsȓa aḏ d taseḏ niɣ a nraja can yijjen nneɣni?"

Luqa 1:35

Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi.

Luqa 7:19

issekk-iṯen ɣar Siḏiṯneɣ ḥima aḏas inin ma ḏ cek iy xef netsȓa aḏ d taseḏ niɣ a nraja can yijjen nneɣni?

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Ayṯ-Galaṭya 4:4

Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

Iƹibraniyen 1:6

U ƹaweḏ Arebbi wami d itawi Mmis amenzu ɣar ddunect-a iqqar: Aḏas sejjḏent marra lmalaʼikaṯ.

Iƹibraniyen 10:10

U s ȓxaḍar nni neccin netwassiṣfa s dbiḥeṯ n ddat n Ƹisa Lmasiḥ, ijjen n ṯwaȓa i ȓebda.

Iƹibraniyen 10:7

Uca nniɣ, Ay Arebbi aqayi usiɣ-d aḏ ggeɣ ȓxaḍar nnec, mamc xafi yura ḏi Lkitab.>

Iƹibraniyen 10:8

Ḏ amezwaru inna-as qa dbiḥaṯ ḏ ṣṣeḏqeṯ war ṯent ṯerzuḏ ca cek, war ḏac iteƹjib bu ȓḥaȓ aḏac cemḍen lḥayawanaṯ aḏac qeddmen ṣṣeḏqeṯ x ȓmuƹṣiyeṯ. (Ṯina tqeddamen-ṯent ƹlaḥsab ccariƹa.)

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

Iƹibraniyen 5:7

Ḏeg wussan nni iy ḏi tuɣa iddar Ƹisa ḏi ṯmurṯ-a, itẓaǧa itȓaɣa x Arebbi s jjheḏ u s imeṭṭawen itettar-as i wenni izemmaren aṯ isenjem zi ȓmewṯ. Arebbi itṣennaṭ-as wami Ƹisa iteggweḏ zzayes.

Iƹibraniyen 8:3

Cuf, kuȓ ȓefqi ameqqran tixḍaren-ṯ bac aḏ iqeddem ṣṣeḏqeṯ ḏ dbiḥaṯ. X manaya wa labud ȓefqi wanita iƹni ḏ Ƹisa aḏ iqeddem can n ȓḥajeṯ.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.

2 Yuḥanna 1:7

Aqa aṭṭas n iṯarrasen niṯni ḏ iɣeddaren ffɣen-d ɣar ddunect-a, nekkaren belli Ƹisa Lmasiḥ imeḍhar-d s ddat n bnaḏem. Aṯarras-a iy iǧan ammu netta ḏ aɣeddar waha ḏ ddejjal iy iǧa.