Iƹibraniyen 10:39 - Ṯarifiṯ 2020

³⁹ Walakin neccin maci zeg yinni itƹeqaben ɣar ḏeffar bac a nefna; Lla, neccin zeg yinni itamnen a nsenjem ȓaƹmar nneɣ.

Iƹibraniyen 10:39 ပူးပေါင်းရင်းမြစ်များ

Marqus 16:16

Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Luqa 11:26

Uca aḏ iraḥ aḏ d yawi sebƹa n jnun nneɣni ḏ iƹeffanen ktar zzayes ḥima aḏ ḏewȓen kuȓci aḏayes zeḏɣen. Ataf aḏ tiȓi lḥala ṯaneggarut n bnaḏem nni ḏ ṯaƹeffant ktar zi lḥala nnes ṯamezwarut."

Yuḥanna 17:12

Wami kiḏsen ǧiɣ, ḥefḍeɣ xasen s yisem nnec iy ḏayi ṯuciḏ. Ḥḍiɣ-ṯen, uȓa ḏ ijjen ma iweddar ɣir wenni tuɣa iweddaren ḥima aḏ ikemmeȓ min iqqar Lkitab.

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Yuḥanna 6:40

Min ixes Baba? Ixes belli kuȓ wenni iẓrin Mmis yumen zzayes, aɣares ṯiȓi ṯuḏarṯ n ȓebda nec aṯiḏ sekkareɣ ḏi Nhar Aneggaru."

1 Ayṯ-Salunik 5:9

Qa war ḏaneɣ ixḍar ca Arebbi bac axaneɣ ikk uɣḍab; Lla, qa ixḍar-aneɣ bac a nenjem s ufus n Siḏiṯneɣ Ƹisa Lmasiḥ.

2 Ayṯ-Salunik 2:3

Lla, war tejjam ḥadd akenniw icmeṯ s walu. Ataf war izemmar Yum nni aḏ d yas qbeȓ ma aḏ semḥen aṭṭas aṭṭas n yiwḏan ḏ amezwaru ḏi Arebbi aḏ d imeḍhar lmesxuṭ mmis n ȓefna.

1 Timutawus 6:9

Yinni irezzun aḏ iȓin ḏ twajar ataf aḏ twaɣarran aḏ wḍan ḏeg yijjen n ṯexcebṯ ḏ waṭṭas n ccehawaṯ ig isbuhȓuyen ig isefcaḏen ig isɣerraqen iryazen ḏi arrwina ḏ ȓefna.

Iƹibraniyen 10:26

Cuf, neccin meȓa netƹic s ȓmuƹṣiyeṯ s ȓxaḍar nneɣ u nessen lḥaqiqa, ataf war ɣarneɣ bu can dbiḥeṯ aḏ tekkes ȓmuƹṣiyeṯ nneɣ.

Iƹibraniyen 10:38

Walakin wenni iǧan nican aḏ iƹic s lʼiman. Meȓa iƹqeb ɣar ḏeffar ataf war xas reṭṭiɣ ca.

Iƹibraniyen 11:1

Fa lʼiman netta ḏ ijjen n ttiqeṯ ijehḏen ḏi min netraja, neccin metʼakkadin ḏi ṯmesȓayin waxxa war ṯent netwiȓi ca.

1 Buṭrus 1:5

Ƹlaḥsab lʼiman nwem Arebbi iḥeṭṭa-kenniw s ṯzemmar nnes ɣar yijjen n usenjem ig isewjeḏ netta aṯiḏ ismeḍhar ḏi Nhar aneggaru.

2 Buṭrus 3:7

Ȓexxu ƹaweḏ s ȓuṣiyeṯ nnes twaxemmȓen ijennaṯen ḏ ṯmurṯ ḏi ȓweqṯ-a i ṯmessi, aqa twassewjaḏen i Yum Lḥisab ḏ Lƹiqab aḏ sefnan yinni war itṭiƹin ca i Arebbi.

1 Yuḥanna 5:16

Wenni ɣa itwaȓan ijjen n wumas iƹṣa ijjen ȓmuƹṣiyeṯ iy war itiwin ca ɣar ȓmewṯ, netta itxeṣṣa-yas axas iẓẓaǧ ɣar Arebbi ataf aḏas yuc ṯuḏarṯ i wumas nni. Nniɣ-awem-d manaya ƹlaḥsab yinni ȓmuƹṣiyeṯ nsen war ṯen tiwi ca ɣar ȓmewṯ. Ḏinni ijjen n ȓmuƹṣiyeṯ ig itawin ɣar ȓmewṯ, ṯenni war ḏawem t qqareɣ ca axas ṯeẓẓaǧem.

1 Yuḥanna 5:5

Min iƹna wenni iɣellben x ddunect-a? Wenni iɣellben ḏ wenni yumnen illa Ƹisa ḏ Mmis n Arebbi.

Lwaḥi 17:11

Ȓwaḥc nni iy tuɣa iǧan, ȓexxu war iǧi ca, netta ḏ wis ṯmenya netta ƹaweḏ ḏ ijjen zi sebƹa nni qa iggur aḏ itwahḏem.

Lwaḥi 17:8

Ȓwaḥc nni iy ṯeẓriḏ tuɣa iǧa, ȓexxu war iǧi ca, ƹȓayen aḏ d igaƹƹeḏ zi ȓaǧeɣ bȓa ȓaḥedd aḏ itwahḏem. Imezḏaɣ n ṯmurṯ xmi ɣa ẓren ȓwaḥc nni ataf aḏ dehcen iƹni kuȓ ijjen isem nnes war izemmem ca zeg wami ṯeǧa ddunect ḏi Lkitab n Ṯuḏarṯ. Ȓaḥeqqac ȓwaḥc nni tuɣa iǧa, ȓexxu war iǧi ca, ƹaḏ aḏ d yas.