Iƹibraniyen 1:9 - Ṯarifiṯ 2020

⁹ Tḥibbiḏ min iṣeȓḥen, tƹiffiḏ ccarr. S manaya Arebbi iƹni Arebbi nnec, iḏhen-ac s zzect n ȓefraḥeṯ, isiȓi-yic ḏeg ujenna x imƹacaren nnec.>

Iƹibraniyen 1:9 ပူးပေါင်းရင်းမြစ်များ

Luqa 4:18

Yuḥanna 1:41

Ȓexddenni yufa umas Simƹan inna-as nufa Lmasiya. (Awaȓ-a Lmasiya ixes aḏ yini Lmasiḥ.)

Yuḥanna 10:17

S manaya Baba itḥibba-ayi minzi nec tṣeddaqeɣ ṯuḏarṯ inu ḥima ƹaweḏ atid arreɣ.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Yuḥanna 3:34

Wenni iy d issekk Arebbi issawaȓ s wawaȓ n Arebbi minzi iticc-as Arruḥ nnes bȓa ȓeqyas.

Ȓexḏayem 4:26

Sewjaḏen izeǧiḏen n ṯmurṯ ixef nsen, munen arruyas ak wayawya, bac aḏ ƹarrḍen i Siḏi Arebbi ḏ Lmasiḥ nnes.

Ȓexḏayem 4:27

Li'anna ḏ ṣṣaḥ azeǧiḏ Hirudus ḏ lḥakem Bunṭyus Bilaṭus munen ak Ayṯ-Israʼil ḏ yinni war iǧin ca zi Ayṯ-Israʼil ḏi ṯendint-a. Tafqen ḍed i uxeddam nnec iqeddsen Ƹisa iy ṯixḍareḏ.

Ayṯ-Ruma 12:9

Ȓemḥibbeṯ itxeṣṣa aḏ tiȓi bȓa nnifaq. Ƹiffeṯ min iǧan ḏ ccarr, ṭṭfeṯ ḏi min iǧan ḏ ȓxir.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

1 Ayṯ-Kurinṯ 1:9

Arebbi ḏayes ttiqeṯ, zzayes iy ḏaneɣ d yusa uȓaɣi a nƹacar Memmis iƹni Siḏiṯneɣ Ƹisa Lmasiḥ.

2 Ayṯ-Kurinṯ 11:31

Wenni itwabarken i ȓebda iƹni Arebbi Babas n Siḏiṯneɣ Ƹisa, issen illa nec qqareɣ lḥaqiqa.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Ufasus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ. U ḏi Lmasiḥ ibarek-aneɣ Siḏi Arebbi zi mkuȓ lbaraka ruḥiya ig iǧan ḏeg ijennaṯen.

Ayṯ-Filippas 2:9

X manayenni isgaƹƹeḏ-iṯ Arebbi ɣar ujenna qaƹ, igga-as isem nni iy iǧan ḏeg ujenna x yisemawen marra.

Iƹibraniyen 2:11

Aqa wenni issiṣfan iwḏan zi ȓmuƹṣiyaṯ nsen u ḏ yiwḏan nni itwassiṣfan, Babaṯsen ḏ ijjen. X manaya war xasen itƹeffar ca aḏasen yini ay ayṯma.

Iƹibraniyen 2:9

Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

Iƹibraniyen 7:26

Cuf, ijjen n ȓefqi ameqqran am wanita ḏ netta iy neḥḏaj. Netta ƹaḍim, bȓa ȓƹib, iṣfa, ineƹzeȓ zeg yiwḏan iy ggin ȓmuƹṣiyeṯ, itwasemɣar yuƹȓa x ijennaṯen.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

Lwaḥi 2:15

Ƹaweḏ akiḏec can yiwḏan iy tbaƹen ttaƹlim n inikulaṯen.