Iƹibraniyen 1:14 - Ṯarifiṯ 2020

¹⁴ Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 1:14 ပူးပေါင်းရင်းမြစ်များ

Matta 1:20

Walakin wami itfekkar ḏi ṯmesȓayṯ nni, ṯbedd-d xas ijjen n lmalaʼika ḏi ṯirjiṯ ṯenna-as: "A Yusef a mmis n Ayṯ-Dawed, war teggweḏ ca aḏ tiȓi Maryam ḏ ṯamɣarṯ nnec. Aqa zi Arruḥ iqeddsen iy zi ṯeysi aƹeddis.

Matta 13:41

Aḏ d issekk Mmis n bnaḏem lmalaʼikaṯ nnes, aḏ kksent zi ȓmulk nnes marra min itsebbaben ḏi ȓmuƹṣiyaṯ ḏ yinni iteggen ccarr.

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Matta 2:13

Wami uyuren yiwḏan nni iqqaren lƹilem n yiṯran, ṯbedd-d ijjen n lmalaʼika n Siḏi Arebbi ḏi ṯirjiṯ ɣar Yusef ṯenna-as: "Kkar ysi aḥenjir ḏ yemmas arweȓ ɣar Miṣra, zeḏɣem ḏinni aȓ ḏac ɣa iniɣ ḏweȓ-d. Aqa azeǧiḏ Hirudus irezzu x uḥenjir-a bac aṯ ineɣ."

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Matta 4:11

Ssenni ibeƹƹeḏ xas Ibȓis. Usint-id lmalaʼikaṯ bḏant tsexxarent x Ƹisa.

Marqus 10:17

Ƹisa wami iggur x ubriḏ, yusa-d ɣares ijjen itazzeȓ iwḍa x ifadden zzaṯes inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"

Luqa 1:19

Indeq-d lmalak nni inna-as: "Qa nec ḏ Jibril ḏ wenni itbeddan zzaṯ i Arebbi, issekk-ayi-d Arebbi ɣarec bac akic ssiwȓeɣ aḏac iniɣ ȓexbar-a isfarraḥen.

Luqa 1:23

Wami ƹḏun wussan n ȓxeḏmeṯ nnes iḏweȓ ɣar ṯeddarṯ nnes.

Luqa 16:22

Ṣafi immuṯ ȓmeskin nni, ysint-ṯ lmalaʼikaṯ sersent-ṯ x ufuḏ n Brahim. Ƹaweḏ immuṯ ttajar nni ysin-ṯ neḍȓen-ṯ.

Luqa 2:13

Ƹlaɣafla meḍharen-d ak lmalaʼika nni aṭṭas n imezḏaɣ n ujenna ḥemmḏen Arebbi qqaren:

Luqa 2:9

Ṯusa-d ijjen n lmalaʼika n Siḏ Arebbi ṯbedd-d ɣarsen, itceƹciƹ nnur n lƹaḍama n Siḏ Arebbi inneḍ-d xasen ggwḏen aṭṭas.

Ȓexḏayem 11:22

Yuweḍ ȓexbar-a ɣar jmaƹeṯ n ȓmuminin ḏi Lquds, kkaren ssekken Barnaba ɣar Wanṭakya.

Ȓexḏayem 12:23

Ȓexddenni ijjen n lmalaʼika n Siḏi Arebbi ṯsehȓec Hirudus wami war iḥmiḏ ca Arebbi. Ɣeẓẓen-ṯ imiɣziwen immuṯ netta.

Ȓexḏayem 12:7

Ȓexddenni ṯmeḍhar-d ḏinni ijjen n lmalaʼika n Siḏi Arebbi, itceƹciƹ-d ijjen n nnur ḏi ȓeḥbes. Lmalaʼika nni ṯuwṯa Buṭrus ɣar uɣezḏis nnes ṯesfaq-iṯ-iḏ ṯenna-as: "Kkar ḏeɣya!" Uca snaseȓ nni fesyent zeg ifassen nnes.

Ȓexḏayem 13:2

Wami ƹebbḏen Siḏi Arebbi tẓumman, inna-asen Arruḥ iqeddsen: Ḥuzem-ayi-d Barnaba ḏ Cawul i ȓxeḏmeṯ nni umi ṯen ixḍareɣ.

Ȓexḏayem 16:26

Ƹlaɣafla iwqeƹ ijjen n zzinzal ḏ ameqqran aȓ wami nhezzen uȓa ḏ dsasaṯ n ȓeḥbes. Nurzment ṯewwura nnes marra, ƹaweḏ nufsȓent-asen snaseȓ i imeḥbas marra.

Ȓexḏayem 27:23

Cuf, ǧiȓeṯ-a ṯanita qa ṯmeḍhar-ayi-d ijjen n lmalaʼika n Arebbi, Arebbi wenni umi xeddmeɣ netta ḏ bab inu.

Ȓexḏayem 5:19

Walakin s ǧiȓeṯ ijjen n lmalaʼika n Siḏi Arebbi ṯerzem-asen ṯiwwura n ȓeḥbes, ṯsufeɣ-iṯen ṯenna-asen:

Ayṯ-Ruma 11:14

Rezzuɣ aḏ snekkareɣ lɣira ḏeg ayṯma israʼiliyen ḥima aḏ snejmeɣ ȓebƹaḍ zzaysen.

Ayṯ-Ruma 13:6

Ƹaweḏ ḏ wanita ḏ ssabab iy xef txeǧasem ḍḍariba liʼanna yinni iḥekkmen niṯni ḏ ixeddamen n Arebbi, xeddmen ḏi manaya.

Ayṯ-Ruma 15:27

Aqa niṯni texsen ad ggen manaya, manaya ḏ ṣṣaḥ ḏ ijjen n lwajib aqaṯ xasen. Mayemmi? Liʼanna yinni war iǧin ca zi Ayṯ-Israʼil meȓa ysin zi lbaraka ruḥiya n israʼiliyen, itxeṣṣa-yasen labud yinni war iǧin ca zi Ayṯ-Israʼil aḏ ƹawnen israʼiliyen s wagȓa nsen.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

2 Ayṯ-Kurinṯ 9:12

Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.

Ayṯ-Galaṭya 3:29

Meȓa kenniw zi Lmasiḥ ataf kenniw ḏ ṯarwa n Brahim ɣarwem lwareṯ nni ƹlaḥsab minzi ṯ iwƹeḏ Siḏi Arebbi.

Ayṯ-Galaṭya 3:7

Falihaḏa, fehmeṯ kenniw belli yinni yumnen niṯni ḏ ṯarwa n Brahim.

Ayṯ-Galaṭya 3:9

X manayenni yinni yumnen aḏ twabarken ak Brahim iƹni wenni umi qqaren aryaz n lʼiman.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

Ayṯ-Filippas 2:25

Cuf, twaȓiɣ labud aḏawem d arreɣ uma Parfulitus wenni iy kiḏi itemƹacaren am ca n umjaheḏ. Netta ḏ amsexxar nwem wenni iy ḏayi d ṯessekkem bac aḏayi ithilla.

2 Ayṯ-Salunik 1:7

aḏawem yuc arraḥeṯ akiḏneɣ kenniw itwameḥḥanen. Manaya aḏ yiȓi xmi d ɣa imeḍhar Siḏiṯneɣ Ƹisa zeg ujenna ḏeg yijjen n ṯmessi ṯḥeddeq, akiḏes d meḍharent lmalaʼikaṯ nnes ijehḏen.

Titus 3:7

Ḥima a nwareṯ zzayes, aɣarneɣ yiȓi ijjen n lʼamal n ṯuḏarṯ ṯenni war ifennin ca liʼanna nmeṣȓaḥ ak Arebbi s arḍa nnes.

Iƹibraniyen 10:11

Ȓefqi kuȓ nhar itɣima netta itegg ccɣeȓ-a nnes, iƹni itqeddam aṭṭas n ṯwaȓaṯin nnefs n dbiḥaṯ, walakin dbiḥaṯ nni war zemmarent ca aḏ kksent ȓmuƹṣiyeṯ.

Iƹibraniyen 2:3

Ȓexxu asenjem nneɣ imɣaren, mammec iy ɣa negg a nenjem zi lƹiqab iƹni meȓa neɣfeȓ x usenjem-a? Awaȓ n usenjem-a ibcar-iṯ-iḏ ḏ amezwaru Siḏiṯneɣ, ṯumma cehḏen xas yinni iy ḏas iṣennṭen ssiwḍen-ṯ-iḏ i neccin.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Iƹibraniyen 6:12

War nexs ca aḏ tƹegzem. Itxeṣṣa aḏ tiȓim am yinni itwaraṯen s ṣṣbar ḏ lʼiman nsen x ṯmesȓayin nni iy zi ṯen iwƹeḏ Arebbi.

Iƹibraniyen 6:17

X manaya iḍmen Arebbi manayenni s yijjen n ṯjaǧiṯ i yinni iy ɣa iwarṯen min zi ṯen iwƹeḏ. Iƹni ixes aḏasen d iseḍhar mliḥ ṭṭabiƹa n lɣaraḍ nnes ƹemmarṣ aḏ twabeddeȓ.

Iƹibraniyen 8:6

Walakin ccɣeȓ nni n ȓefqi iy ḏas yuca i Ƹisa imɣar aṭṭas x ccɣeȓ nni aqḏim n ȓfuqaha nneɣni. U ȓƹaheḏ-a iy xef itcafaƹ netta imɣar aṭṭas x wenni aqḏim, liʼanna ibedd x yijjen n dsas n lwuƹud iy iǧan ḥsen.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

1 Buṭrus 1:4

Ḥima a nwareṯ ijjen n wagȓa ƹemmarṣ aḏ ifna ƹemmarṣ aḏ ixsar ƹemmarṣ aḏ ikcef wenni iy ḏawem itwaxemmȓen ḏeg ujenna.

1 Buṭrus 3:7

Ay iryazen, amenni itxeṣṣa-yawem aḏ teggem ƹaweḏ, aḏ tƹicem ak ṯemɣarin nwem s yijjen n ȓefhameṯ jarawem. Ucem-as lqima i ṯemɣarṯ iǧan nettaṯ am ṯɣerrafṯ itrezzan ḏeɣya minzi ḏ niṯenti itwarraṯen akiḏwem lbaraka n ṯuḏarṯ. Ḥima war ḏinni tiȓi bu can n ȓḥajeṯ aḏ trez ṯẓaǧiṯ nwem.

Yahuḏa 1:14

Fa Axnux wenni ig iǧan ḏ ayyaw n Adam zi jeddiṯwem wis sebƹa netta iƹȓem ijjen n wawaȓ zi Arebbi inna-ṯ x iṯarrasen-a: "Xzareṯ, aqa yusa-d Siḏiṯneɣ s waȓaf n uȓufaṯ n imqeddsen nnes

Lwaḥi 5:6

Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.