Filimun 1:21 - Ṯarifiṯ 2020

²¹ Nec tʼakkadeɣ s ṭṭaƹa nnec, s manaya tariɣ-ac-d ṯabrat-a ssneɣ cek aḏ teggeḏ ktar zi min ḏac tṭalabeɣ.

Filimun 1:21 ပူးပေါင်းရင်းမြစ်များ

Ayṯ-Ruma 2:19

Meȓa cek aqac metʼakked ṯzemmareḏ aḏ tsuyureḏ iḍarɣaȓen, cek ƹaweḏ aqac ḏ nnur i yinni iǧan ḏi ṯaǧest,

2 Ayṯ-Kurinṯ 2:3

Tuɣa uriɣ ṯabrat nni bac war ḏayi tesxeyyaqem ca, rezzuɣ axmi d ɣa aseɣ ɣarwem u labud aḏayi tesfarḥem. Meȓa farḥeɣ aḏ iȓiɣ nec metʼakked aḏ tfarḥem uȓa ḏ kenniw.

2 Ayṯ-Kurinṯ 7:16

Farrḥeɣ wami zemmareɣ axawem tƹewwaȓeɣ ḏi min ḏi ma.

2 Ayṯ-Kurinṯ 8:22

Ƹaweḏ nessekk akiḏsen umaṯneɣ nneɣni aṭṭas n ṯwaȓaṯin njarreb-iṯ nufi-ṯ ixeddem mliḥ s wuȓ nnes. Ȓexxu ƹlaḥsab ttiqeṯ ṯameqqrant iy ɣares ḏaywem ixeddem s wuȓ nnes ƹaḏ ktar zi min tuɣa ixeddem qbeȓ.

Ayṯ-Galaṭya 5:10

Nec ɣari ttiqeṯ ḏi Arebbi war ṯqebbȓem bu can n array nneɣni. Walakin wenni iy kenniw isxerwaḍen, min ma iƹna netta aṯ iḥaseb s lƹiqab nnes.

2 Ayṯ-Salunik 3:4

Neccin qa metʼakkedin ḏi Siḏi Arebbi aqa minzi kenniw nweṣṣa qa teggem-ṯ, aṯ teggem ƹaḏ.