Filimun 1:20 - Ṯarifiṯ 2020

²⁰ Wah ay uma, xseɣ azzayek rebḥeɣ ijjen n nnfaƹ ḏi Siḏiṯneɣ, siḥma-ayi uȓ inu ḏi Lmasiḥ.

Filimun 1:20 ပူးပေါင်းရင်းမြစ်များ

1 Ayṯ-Kurinṯ 16:18

Niṯni sreyyaḥen uȓ inu ḏ wuȓ nwem. Iwa weqqareṯ iwḏan am yina.

2 Ayṯ-Kurinṯ 2:2

Liʼanna meȓa sxeyyaqeɣ-kenniw nec, wi ɣa iqqimen bac aḏayi isfareḥ illa kenniw iy sxeyyaqeɣ nec?

2 Ayṯ-Kurinṯ 7:13

S marra manaya netwaƹawen. Maci netwaƹawen neccin u ṣafi; Lla, ƹaweḏ nfareḥ aṭṭas wami neẓra mecḥaȓ ifareḥ Titus arruḥ nnes ṯesreyyḥem-ṯ kenniw marra.

Ayṯ-Filippas 1:8

Ataf Arebbi ḏ ccaheḏ inu mecḥaȓ iy kenniw tweḥḥaceɣ s lḥanana n Ƹisa Lmasiḥ.

Ayṯ-Filippas 4:1

Iḏen ay ayṯma iy xafi iƹizzen iy tweḥḥaceɣ ig iǧan ḏ ȓefȓaḥeṯ inu ḏ ttaj inu, amenni labud itxeṣṣa aḏ teqqimem ṯbeddem ḏi Siḏiṯneɣ ay imƹizzen inu.

Filimun 1:12

Aqa nec tarriɣ-ac-ṯ-iḏ axmi ɣa c d ssekkeɣ uȓ inu.

Filimun 1:7

Ay uma, ȓemḥibbeṯ iy ɣarec cek ticc-ayi-d ijjen n ȓefraḥeṯ ḏ ucejjaƹ ḏ ameqqran minzi cek ṯsiḥemmiḏ uȓawen n ṣṣaliḥin.

Iƹibraniyen 13:17

Ṭaƹeṯ i yinni xawem itrayyan, ggem-asen array minzi ḏ yinni ig iḥeṭṭan ȓaƹmar nwem. Aḏ ucen niṯni ȓeḥsab x manaya i Arebbi. Ṭaƹeṯ i yina bac ȓxeḏmeṯ nsen azzayes farḥen war xasen tbessiȓ ca. Meȓa ṯeggim ṯaɣennant ataf war kenniw ineffeƹ walu.

1 Yuḥanna 3:17

Wenni ɣar iǧa wagȓa n ddunect-a itwaȓa umas war ɣares ca iteḥḏaja uca iseqseḥ uȓ nnes xas, mammec ɣa ṯiȓi ȓemḥibbeṯ n Arebbi ḏeg wanita?

3 Yuḥanna 1:4

Farrḥeɣ aṭṭas s waṭṭas war zemmareɣ aḏ arniɣ xmi tesȓiɣ ṯarwa inu gguren nican x ubriḏ n lḥaqiqa.