Ayṯ-Ufasus 6:9 - Ṯarifiṯ 2020

⁹ U kenniw ay ayṯbab n isemɣan aḏasen ṯeggem kif-kif, maci aṯen tsiggwḏem. Aqa ṯessnem belli Bab nwem ḏ Bab nsen netta ḏ ijjen aqaṯ ḏeg ujenna, war itegg bu s wuḏemawen.

Ayṯ-Ufasus 6:9 ပူးပေါင်းရင်းမြစ်များ

Matta 22:10

Ruḥen ixeddamen nni ɣar ibriḏen uwin-d marra ug ufin ḏinni, iṣebḥanen ḏ iƹeffanen, ṯƹemmar ssaḥa s inewjiwen.

Matta 22:8

Inna-asen i ixeddamen nnes: Amensi n ȓfarḥ iwjeḏ, walakin yinni itwaƹarḍen war ṯ sḏihiǧen ca.

Matta 24:48

Walakin axeddam nni meȓa ḏ aƹeffan inewwa belli siḏes aḏ iƹḍeȓ war d itis ca,

Matta 24:51

Aṯ iqess ḏ iwezwizen aṯ inḍar ḏeg umcan n lmunafiqin, ḏinni iy ɣa iȓin imeṭṭawen ḏ uɣeẓẓaẓ n ṯeɣmas.

Matta 7:12

Ggeṯ i yiwḏan min ṯexsem aḏawem ggen. Manaya ḏ ȓmaƹna n Ccariƹa n Musa ḏ ttaƹalim n lʼanbiya.

Luqa 6:31

Mammec texsem aḏawem ggen yiwḏan, uȓa ḏ kenniw ggem-asen amenni.

Yuḥanna 13:13

Kenniw ṯeqqarem-ayi a Lmuƹallim niɣ a Siḏi, kenniw ɣarwem ȓḥaqq minzi nican qa ḏ nec.

Ȓexḏayem 10:34

Ibḏa Buṭrus issawaȓ inna-asen: "Ḏ ṣṣaḥ twaȓiɣ Arebbi war itegg ca s wuḏemawen jar yiwḏan.

Ayṯ-Ruma 2:11

Liʼanna Arebbi war itegg ca s wuḏemawen.

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

1 Ayṯ-Kurinṯ 7:22

Liʼanna wenni tuɣa iǧan ḏ ismeɣ wami ḏas d iȓaɣa Siḏiṯneɣ, netta ȓexxu ɣares ijjen n lḥurriya zi Siḏiṯneɣ. Amenni ƹaweḏ wenni tuɣa iǧan ɣares lḥurriya, netta ȓexxu iḏweȓ ḏ ismeɣ n Siḏiṯneɣ.

Ayṯ-Kulus 3:25

Cuf, wenni iḍeǧmen ataf aḏ icc aƹmuḏ x min iḍeǧem. Arebbi war itegg bu s wuḏemawen jar yiwḏan.

Ayṯ-Kulus 4:1

Ay ayṯbab n isemɣan, ḏebbarem xasen x isemɣan nwem s min iǧan nican ḏ ȓḥaqq nsen aqa kenniw ṯessnem illa ɣarwem Bab nwem ḏeg ujenna.

Yaƹqub 2:13

Nhar n Lḥisab Arebbi war ireḥḥem ca wenni war ireḥḥmen ca; arraḥmeṯ ṯɣeǧeb lḥisab.

Yaƹqub 2:8

Ȓuṣiyeṯ n Uzeǧiḏ izeǧiḏen iy d yusin ḏi Lkitab ṯeqqar: "Aḏ texseḏ ajjar nnec amecnaw ixef nnec." Kenniw aḏ teggem mliḥ meȓa ṯxeddmem zzayes.

Yaƹqub 5:4

Iwa, kenniw war txeǧisem ca icewwaren iy ḏawem imejjaren ḏeg imarjeƹiwen nwem, texȓiseṯ nsen ṯesɣuyiw-d tceṯca zzaywem. Ṯɣuyyeṯ nni n icewwaren itsȓa-yas Siḏi Arebbi Lƹalamin.