Ayṯ-Ufasus 5:5 - Ṯarifiṯ 2020

⁵ Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

Ayṯ-Ufasus 5:5 ပူးပေါင်းရင်းမြစ်များ

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ȓexḏayem 8:21

War ɣarek itiȓi bu umcan uȓa ḏ ȓḥaqq ḏi ȓxeḏmeṯ-a ȓaḥeqqac uȓ nnec war iǧi ca nican ak Arebbi.

Ayṯ-Galaṭya 5:19

Ȓexḏayem n ṭṭabiƹa ṯaƹeffant nneɣ aqa tbanent-id iƹni lfasad ḏ min isexnizen ḏ ȓeqbaḥeṯ,

Ayṯ-Galaṭya 5:21

ḏ ȓeḥseḏ ḏ waṭṭas n ccreb ḏ lmadella n ssekra ḏ min itcabbahen ḏi manaya. Ƹeǧmeɣ-awem-d ȓexxu mamc tuɣa ḏawem ƹeȓmeɣ zi qbeȓ: yinni iteggen ȓexḏayem-a war twariṯen ca ȓmulk n Arebbi.

Ayṯ-Ufasus 5:3

Wa labud war itiȓi walu jarawem zi lfasad niɣ ḏ min isexnizen niɣ ḏ ṭṭmaƹ ȓaḥeqqac manaya maci maƹqul i ṣṣaliḥin.

Ayṯ-Kulus 1:13

Isefȓeṯ-aneɣ zi ȓeḥkam n ṯaǧest issiweḍ-aneɣ ɣar ȓmulk n Mmis iƹizzen.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

1 Timutawus 6:10

Liʼanna ȓemḥibbeṯ n tmenyaṯ netta ḏ lʼaṣel n waṭṭas n lʼanwaƹ n ccarr. Ȓebƹaḍ n yiwḏan ig itexsen tmenyaṯ aqa ffɣen abriḏ snuqquben ixef nsen s waṭṭas n ȓeḥriqaṯ.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

Iƹibraniyen 13:4

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.