Ayṯ-Ufasus 5:25 - Ṯarifiṯ 2020

^25-26 Ay iryazen, ḥibbem ṯimɣarin nwem mammec iḥibb Lmasiḥ jmaƹeṯ n ȓmuminin iṣeddeq xas ixef nnes ḥima at issiṣfa. Yarri-t ḏ ṯamenqawiṯ wami t isireḏ s waman ḏ wawaȓ nnes.

Ayṯ-Ufasus 5:25 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Yuḥanna 6:51

Aqa ḏ nec ḏ aɣrum iddaren iy d ihwan zeg ujenna. Marra wenni ɣa iccen zeg uɣrum-a aḏ iddar i ȓebda. Aɣrum-a iy ticceɣ nec ḏ ddat inu ḥima aḏ teddar ddunect-a."

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ayṯ-Galaṭya 1:4

Lmasiḥ iṣeddeq ixef nnes x ȓmuƹṣiyeṯ nneɣ s ȓxaḍar n Arebbi Babaṯneɣ ḥima aḏaneɣ isenjem zi zman-a aƹeffan iy ḏi neǧa.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Ufasus 5:2

Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

Ayṯ-Ufasus 5:24

U mammec ṯṭaƹa jmaƹeṯ n ȓmuminin i Lmasiḥ, amenni iy ɣa ṭaƹent ṯemɣarin i iryazen nsent ḏi marra.

Ayṯ-Ufasus 5:28

Amenni kif-kif labud iryazen aḏ ḥibben ṯimɣarin nsen mamc tḥibban ddat nsen. Wenni itḥibban ṯamɣarṯ nnes ḏ ixef nnes iy itḥibba.

Ayṯ-Ufasus 5:33

Innama, labud kuȓ ijjen zzaywem aḏ iḥibb ṯamɣarṯ nnes am mammec itḥibba ixef nnes. Ṯamɣarṯ u labud aḏ tweqqar aryaz nnes.

Ayṯ-Kulus 3:19

Ay iryazen, ḥibbem ṯimɣarin nwem war iǧi aḏkisent twaqsḥem.

1 Timutawus 2:6

Netta iṣeddeq ṯuḏarṯ nnes ḏ ijjen n lfidya bac azzayes isenjem marra iwḏan, manaya aḏ itwacheḏ ḏi ȓweqṯ nnes.

1 Buṭrus 3:7

Ay iryazen, amenni itxeṣṣa-yawem aḏ teggem ƹaweḏ, aḏ tƹicem ak ṯemɣarin nwem s yijjen n ȓefhameṯ jarawem. Ucem-as lqima i ṯemɣarṯ iǧan nettaṯ am ṯɣerrafṯ itrezzan ḏeɣya minzi ḏ niṯenti itwarraṯen akiḏwem lbaraka n ṯuḏarṯ. Ḥima war ḏinni tiȓi bu can n ȓḥajeṯ aḏ trez ṯẓaǧiṯ nwem.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.