Ayṯ-Ufasus 5:20 - Ṯarifiṯ 2020

²⁰ Cekkarem ȓebda Arebbi Babaṯneɣ x marra ṯimesȓayin ḏeg yisem n Siḏiṯneɣ Ƹisa Lmasiḥ.

Ayṯ-Ufasus 5:20 ပူးပေါင်းရင်းမြစ်များ

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

Ayṯ-Ruma 1:8

Ḏ amezwaru, tcekkareɣ Arebbi xawem marra iḏwem s yisem n Ƹisa Lmasiḥ ȓaḥeqqac lʼiman nwem arrin-as-d ȓexbar ḏi ddunect-a ṯekmaȓ.

1 Ayṯ-Kurinṯ 1:4

Tcekkareɣ Arebbi xawem ȓebda x arḍa iy ḏawem yuca ḏi Ƹisa Lmasiḥ.

1 Ayṯ-Kurinṯ 15:24

Ṯumma aḏ yiȓi ȓefna n ddunect-a. Lmasiḥ aḏ iqḍa x marra ȓeḥkam ḏ ȓmexzen ḏ jjheḏ ig iǧan, ṯumma aḏ ijj ȓeḥkam nni nnes i Arebbi Babas.

Ayṯ-Ufasus 5:4

U labud ƹaweḏ war itiȓi ca jarawem awaȓ aƹeffan niɣ ḏ wawaȓ ixwan niɣ ḏ nnukta ḏ ṯaƹeffant; Lla, itxeṣṣa aḏ yiȓi ccuker i Arebbi.

Ayṯ-Filippas 1:3

Tcekkareɣ Arebbi kuȓ ṯwaȓat xmi ḏaywem tfekkareɣ.

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.

1 Ayṯ-Salunik 3:9

Mammec iy ɣa negg a ncekkar Arebbi xawem?! Mecḥaȓ n ȓefraḥeṯ iy ɣarneɣ zzaṯ i Arebbi ƹlaḥsab kenniw!

1 Ayṯ-Salunik 5:18

cekkarem-ṯ ḏi marra ṯimesȓayin. Liʼanna ḏ manaya ig itraja Arebbi zzaywem ḏi Ƹisa Lmasiḥ.

2 Ayṯ-Salunik 1:3

Ay ayṯma, itxeṣṣa u labud a ncekkar Arebbi xawem ȓebda. Qa manaya nican minzi lʼiman nwem itemɣur s waṭṭas, minzi ƹaweḏ ȓemḥibbeṯ nwem ṯarenni ak wayawya.

2 Ayṯ-Salunik 2:13

Fa ay ayṯma iy xef iƹizz Siḏiṯneɣ, labud a ncekkar Arebbi xawem minzi ixḍar-ikenniw ḏ imezwura nni iƹni ḏ yinni iy twasnejmen s ȓxeḏmeṯ nni issiṣfan n Arruḥ iqeddsen ḏ yijjen ttiqeṯ nwem ḏi lḥaqiqa.

Iƹibraniyen 13:15

Iḏen labud s Ƹisa iy zi ɣa neḥmeḏ Arebbi ḏi mkuȓ ȓweqṯ. Ḏ ṯanita ḏ dbiḥeṯ iy ɣa nqeddem i Arebbi, iƹni meȓa neƹtaref s yisem nnes.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.