Ayṯ-Ufasus 5:18 - Ṯarifiṯ 2020

¹⁸ War skareṯ ca s ccreb ig itawin ɣar lmadella n ssekra; Lla, ccarem s Arruḥ iqeddsen.

Ayṯ-Ufasus 5:18 ပူးပေါင်းရင်းမြစ်များ

Matta 23:25

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw ṯsiriḏem mliḥ ȓkas ḏ ṭebṣi ɣar barra, walakin ɣar ḏaxeȓ aqa ccuren s ṯukkarḏa ḏ ṭṭmaƹ!

Matta 24:49

ataf aḏ ibḏa iccaṯ ixeddamen aḏ icc aḏ isew aḏ yiȓi ak iskayriyen waha.

Luqa 1:15

minzi aḏ yiȓi ḏ ameqqran ɣar Siḏi Arebbi. Aḏ tiȓi labud ƹemmarṣ aḏ isew aman n uḍiȓ niɣ ḏ waman n imendi. Aḏ yiȓi iƹemmar s Arruḥ iqeddsen ḥetta ḏeg uƹeddis n yemmas.

Luqa 11:13

Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar, iƹni iticc Arruḥ iqeddsen i yinni ḏas ṯ itettaren."

Luqa 12:45

Walakin aweqqaf nni meȓa inewwa ḏeg yixef nnes iqqar: Siḏi itƹeṭṭaȓ aṭṭas war d itis ca, ṯumma aḏ ibḏa iccaṯ ixeddamen ḏ ṯxeddamin itett isess aqaṯ ak iskayriyen waha,

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Yuḥanna 2:10

inna-as: "Ƹadatan ḏeg umezwaru iwḏan ticcen-asen i inewjiwen aman n uḍiȓ iṣebḥanen. Xmi tiȓi swin zzaysen aṭṭas, ḏi ȓweqṯ nni iy ḏasen ticcen aman n uḍiȓ ƹadi. Cek lla, ṯxemmȓeḏ aman n uḍiȓ iṣebḥanen aȓ ȓexxu."

Ȓexḏayem 11:24

Barnaba netta ḏ ijjen n uryaz ḏ aṣebḥan iccur s Arruḥ iqeddsen itamen aṭṭas, xarebbi n yiwḏan umnen zi Siḏiṯneɣ.

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

1 Ayṯ-Kurinṯ 11:21

Mayemmi? Liʼanna kuȓ ijjen min itegg: ijjen itraḥ itett waha bȓa ma aḏ iraja wenni nneɣni, ijjen iǧuz, ijjen isess aṭṭas n waman uḍiȓ.

1 Ayṯ-Kurinṯ 5:11

Lla, walakin ȓexxu nec uriɣ-awem-d bac war tƹacarem ca ȓmumen wenni iqqaren qa nec ḏ umac walakin netta itegg lfasad niɣ ḏ aḍemmaƹ niɣ iƹebbeḏ lʼaṣnam niɣ iqqar ȓbaṭeȓ niɣ isess aṭṭas n ccreb niɣ ḏ aɣeccac. Ijjen am wanita, war tettem ca akiḏes qaƹ.

1 Ayṯ-Kurinṯ 6:10

ḏ iceffaren, ḏ iḍemmaƹen, ḏ yinni isessen aṭṭas n ccreb, ḏ yinni iqqaren ȓbaṭeȓ, ḏ iɣeccacen war twaraṯen ca ȓmulk n Arebbi.

1 Ayṯ-Salunik 5:7

Cuf, yinni iteṭṭṣen, teṭṭṣen s ǧiȓeṯ. Yinni itɣellan s ccreb, tɣellan s ǧiȓeṯ.

Titus 1:6

Ameqqran-a maci aḏ yiȓi ḏ ijjen n bnaḏem tƹeyyaben-ṯ yiwḏan. Aɣares ṯiȓi ijjen n ṯemɣarṯ waha aḏ iȓin iḥenjiren nnes ḏ ȓmuminin. Maci axasen inin yiwḏan teggen lmadella n ssekra niɣ war tseḏḥin ca.