Ayṯ-Ufasus 4:5 - Ṯarifiṯ 2020

⁵ Siḏiṯneɣ ḏ ijjen, lʼiman ḏ ijjen, ṭṭahareṯ s waman ḏ icten.

Ayṯ-Ufasus 4:5 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ȓexḏayem 2:36

Iwa kenniw itxeṣṣa aḏ tessnem marra Ayṯ-Israʼil mebȓa ccekk, qa Ƹisa-ya wanita iy ṯṣellbem iggi-ṯ Arebbi ḏ Siḏiṯneɣ ḏ Lmasiḥ."

Ayṯ-Ruma 3:30

Liʼanna Arebbi netta ḏ ijjen. Ḏ netta ig ismeṣȓahen Ayṯ-Israʼil akiḏes s lʼiman, ḏ yinni war iǧin ca zi Ayṯ-Israʼil s nnefs lʼiman.

1 Ayṯ-Kurinṯ 1:13

Lmasiḥ ma ḏayes lfirqaṯ? Lla! Ma ḏ Bulus itwaṣellben x ṣṣalib ƹlaḥsab kenniw? Lla! Ma ṯetwaṭehharem kenniw s waman s yisem inu Bulus? Lla!

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 12:5

Ḏinni lʼanwaƹ n lmesʼuliyaṯ, walakin Siḏiṯneɣ ḏ ijjen.

1 Ayṯ-Kurinṯ 8:6

Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.

2 Ayṯ-Kurinṯ 11:4

Liʼanna kenniw ṯeqqarem maƹlic waxxa yusa-d ɣarwem ijjen itbeccaren s yijjen n Ƹisa nneɣni mzuwwar maci ḏ wenni iy xef netbeccar neccin zi qbeȓ. Niɣ ḏeɣya ṯqebbȓem ijjen n arruḥ nneɣni mzuwwar maci ḏ wenni iy tuɣa ṯqebȓem zi qbeȓ. Niɣ ḏeɣya ṯqebbȓem ijjen n Lʼinjil nneɣni mzuwwar maci ḏ wenni iy tuɣa ṯqebȓem zi qbeȓ.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 4:13

Aȓ ɣa niȓi marra ḏ ijjen ḏi lʼiman u ḏi ṯusna x Mmis n Arebbi. Aȓ ɣa niȓi marra ƹaweḏ nemɣar iƹni ḏ iryazen am ȓaƹbar nni ikmaȓ n ȓqedd n Lmasiḥ.

Ayṯ-Filippas 2:11

Aḏ iƹtaref kuȓ yiȓes aḏ yini x Ƹisa Lmasiḥ qa netta ḏ Siḏiṯneɣ azzayes isemɣar Arebbi Babaṯneɣ.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Titus 1:4

Tariɣ ṯabrat-a i Titus wenni iy iǧan am memmi ḏ ṣṣaḥ ḏi lʼiman-a iy ḏi ncarrec. Akiḏec yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ wenni iy ḏaneɣ isnejmen.

Iƹibraniyen 13:7

Ƹeqȓeṯ x yinni iy xawem itrayyan iƹni yinni issiwȓen akiḏwem s wawaȓ n Arebbi. Fekkareṯ ḏi min urwen niṯni s ṯuḏarṯ nsen, ggeṯ mammec iy ggin niṯni s lʼiman nsen.

Iƹibraniyen 6:6

Yina meȓa ffɣen abriḏ, war iǧi wi ṯen d ɣa yarren ɣar ttuba. Mayemmi? Liʼanna yina aḏ iȓin am tṣellaben Mmis n Arebbi ƹaweḏ x ṣṣalib tƹeyyaben-ṯ zzaṯ i yiwḏan.

Yaƹqub 2:18

Imken can yijjen aḏ yini: "Iwa cek ḏayec lʼiman nnec, nec ɣari ȓexḏayem inu." Nec qqareɣ: "Cek sbeyyen-ayi-d mammec igga lʼiman nnec bȓa ȓexḏayem nnec, nec aḏac sbeyyneɣ mammec igga lʼiman inu s ȓexḏayem inu."

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

Yahuḏa 1:20

Kenniw ay imƹizzen inu, bnaṯ ixef nwem ḏi dsas n lʼiman yuƹȓan iy iǧan ḏaywem, ẓaǧem s Arruḥ iqeddsen.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.