Ayṯ-Ufasus 4:31 - Ṯarifiṯ 2020

³¹ Marra lƹuqda ḏ uɣḍab ḏ uƹeṣṣeb ḏ sḏaƹ ḏ ȓbaṭeȓ sbeƹƹḏem-ṯen xawem marra, u kkseṯ ƹaweḏ kuȓ nnuƹ n ȓeqbaḥeṯ.

Ayṯ-Ufasus 4:31 ပူးပေါင်းရင်းမြစ်များ

Ȓexḏayem 21:30

Ṯekkar ȓfawḍa ḏi ṯendint marra. Kkaren yiwḏan nni uzzȓen ɣar Bulus ṭṭfen-ṯ, jarren-ṯ zi ṯemziḏa ṯameqqrant ɣar barra ȓexddenni bellƹen ṯiwwura.

Ayṯ-Ruma 3:14

Nnaƹȓeṯ ḏ ṯarzugi iccur zzaysen uqemmum nsen.

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

1 Ayṯ-Kurinṯ 5:8

X manaya a nƹeyyeḏ walakin war netƹeyyiḏ ca s untun nni aqḏim, iƹni antun nni netta ḏ ȓeqbaḥeṯ ḏ ccarr. Lla, neccin a nƹeyyeḏ s ṯefḍirṯ, iƹni ijjen n uɣrum ḏayes lḥaqiqa war ḏayes bu ixarriqen.

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Ayṯ-Galaṭya 5:20

ḏ lƹibada n lʼaṣnam ḏ ssḥur ḏ lƹadawa ḏ umenɣi ḏ lɣira ḏ uɣḍab ḏ lʼananiya ḏ lxilafaṯ ḏ lʼaḥzab,

Ayṯ-Ufasus 4:22

Iwa tuɣa ṯȓemḏem aḏ tsemḥem ḏi ṭṭabiƹa nni nwem tuɣa ɣarwem qbeȓ. Liʼanna ṭṭabiƹa nni nwem ṯarecca ƹlaḥsab ccehweṯ nnes istwaɣarren.

Ayṯ-Ufasus 4:25

Iḏen labud kuȓ ijjen zzaywem aḏ ibeƹƹeḏ zeg ixerriqen aḏ issiweȓ s ȓḥaqq ak wajjar nnes liʼanna neccin marra ḏ ijjen n jmaƹeṯ iy neǧa.

Ayṯ-Ufasus 4:26

Ƹeṣṣbeṯ bȓa ma aḏ teggem ȓmuƹṣiyeṯ. War tejjaṯ ca ṯfuct axawem ṯeɣȓi kenniw ƹaḏ tƹeṣṣibem.

Ayṯ-Kulus 3:19

Ay iryazen, ḥibbem ṯimɣarin nwem war iǧi aḏkisent twaqsḥem.

Ayṯ-Kulus 3:8

Walakin ȓexxu ṯimesȓayin nni itxeṣṣa axawem ṯent ṯesbeƹƹḏem qaƹ iƹni aƹeṣṣab ḏ uɣḍab ḏ ccarr ḏ ȓbaṭeȓ ḏ wawaȓen iƹeffanen iy ṯeqqarem s uqemmum nwem.

1 Timutawus 3:11

Amenni ƹaweḏ ṯimɣarin itxeṣṣa aḏ iȓint mweqqerint war ḏaysent tiȓi ca nnamima aḏ ḥekkment x yixef nsent aḏaysent ṯiȓi ttiqeṯ ḏi marra ṯimesȓayin.

1 Timutawus 3:3

Itxeṣṣa war itegg ca lmadla n ssekra, war icciṯ ca aḏ yiȓi trankiȓ. Itxeṣṣa war itmenɣi ca s wawaȓ, war iḍemmeƹ ca ḏi tmenyaṯ.

1 Timutawus 5:13

Ƹaweḏ aḏ dewȓent ḏ ṯimeƹgazin ggurent zi ṯaddarṯ ɣar ṯeddarṯ teggent farq-ccɣeȓ. Maci ḏ ṯimeƹgazin waha, tƹawaḏent ȓexburaṯ taḏfent ḏi ccɣuȓaṯ n midden qqarent ṯimesȓayin war itxeṣṣa ca aḏ twannant.

2 Timutawus 2:23

Awggwej zeg umnaqar nni iy ḏi iǧa ɣir ṯubuhȓiya ḏ ȓeqfaȓeṯ waha minzi ṯessneḏ belli itarew ɣir amenɣi u ṣafi.

2 Timutawus 3:3

war ḏaysen tiȓi ȓemḥibbeṯ, war semmḥen ca i yiwḏan, aḏ qqaren ȓbaṭeȓ, war ḥekkmen ca x yixef nsen, aḏ menɣen am ȓuḥuc, war tḥibbin ca min iǧan ḏ aṣebḥan,

Titus 1:7

Aqa arrayes n jmaƹeṯ itkellaf netta s lmesʼuliya zi Arebbi u labud aḏ yiȓi bȓa ȓƹib, war ḏayes itiȓi bu ttakebbur, war itƹeṣṣib ca ḏeɣya, war isekkar ca s ccreb, war icciṯ ca, war iḍemmeƹ ca ḏi tmenyaṯ.

Titus 2:3

Ṯinni imɣaren ƹaweḏ aḏ ƹiccent ƹlaḥsab lʼiman, war ḏaysent tiȓi bu nnamima, war tebliyint ca aṭṭas s binu. Aḏ sȓemḏent min iǧan ḏ aṣebḥan.

Yaƹqub 1:19

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.

Yaƹqub 3:14

Walakin meȓa ḏaywem ȓeḥseḏ ḏ aƹeffan ḏ lʼananiya, war teftaxareṯ ca s yixef nwem. Iƹni itxeṣṣa-yawem kenniw war ṯesxarriqem ca x lḥaqiqa.

Yaƹqub 4:11

Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.

1 Buṭrus 2:1

Iḏen fa kkseṯ zeg wuȓawen nwem marra ccarr ḏ marra lɣeḏran ḏ nnifaq ḏ ȓeḥseḏ ḏ marra ȓbaṭeȓ.

1 Yuḥanna 3:12

Maci a niȓi am Qabil iǧan zi Lmufsid nni iruḥ inɣa umas. Mayemmi iy ṯ inɣa? Ȓaḥeqqac ȓexḏayem nnes netta ḏ ṯiƹeffanin, ȓexḏayem n wumas ḏ ṯiṣebḥanin.

1 Yuḥanna 3:15

Marra wenni ig itƹiffan umas am wenni ig ineqqen bnaḏem. Aqa kenniw ṯessnem wenni ig ineqqen bnaḏem war ḏayes tiȓi ca ṯuḏarṯ n ȓebda.

Lwaḥi 12:10

Sȓiɣ i yijjen n ṯmijja ḏeg ujenna ṯeqqar s jjheḏ: "Ȓexxu Arebbi nneɣ isenjam, imeḍhar-d jjheḏ ḏ ȓmulk nnes, ḏ ssulṭa n Lmasiḥ nnes. Ȓaḥeqqac wenni iceṯcan zeg ayṯmaṯneɣ imenḍar-d ɣar ṯmurṯ, ḏ netta ig iceṯcan zzaysen ǧiȓeṯ ḏ nhar ɣar Arebbi nneɣ.