Ayṯ-Ufasus 4:28 - Ṯarifiṯ 2020

²⁸ Wenni ig itacaren labud aḏ ibeƹƹeḏ zi ṯukkarḏa nni, aḏ ixḏem ijjen n ȓxeḏmeṯ ḏ ṯaṣebḥant s ifassen nnes bac aḏ iƹawen zzayes wenni iteḥḏajen.

Ayṯ-Ufasus 4:28 ပူးပေါင်းရင်းမြစ်များ

Luqa 19:8

Ibedd Zaki inna-as i Siḏiṯneɣ: "A Siḏi, aḏ uceɣ azyen n wagȓa inu i ȓmusakin. Meȓa cemṯeɣ can yijjen aḏas arniɣ arbeƹa n ṯseqqar."

Luqa 3:8

Meȓa ṯtubem ḏ ṣṣaḥ, ggeṯ ȓexḏayem ḏ ṯiṣebḥanin. Maci aḏ tinim ḏi nnefs nwem qa neccin ḏ ṯarwa n Brahim u ṣafi. Meȓa ixes Arebbi ṯarwa n Brahim, ataf aḏ iysi izra-ya aṯen yarr ḏ ṯarwa n Brahim!

Yuḥanna 12:6

Wami inna ammu maci ziǧzen-as imesƹan; Lla, netta ḏ aceffar mkellef x ucemmus n tmenyaṯ itacar zi min ḏin srusan.

Yuḥanna 13:29

Tɣiȓ-asen i ȓebƹaḍ qa inna-as aḏ iseɣ min ḥḏajen ḏi Ȓƹiḏ niɣ aḏ iṣeddeq x imesƹan minzi Yahuḏa mkellef x ucemmus n tmenyaṯ.

Ayṯ-Ruma 12:13

Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

1 Ayṯ-Kurinṯ 4:12

Neccaṯ tamara, nxeddem s ifassen nneɣ. Meȓa niṯni tzebbaȓen ḏayneɣ, neccin netbarrak-iṯen. Meȓa niṯni tƹeddaben-aneɣ, neccin nṣebbar.

2 Ayṯ-Kurinṯ 8:12

Liʼanna bnaḏem meȓa s ȓxaḍar nnes, min ɣa iṣeddeq aḏ itwaqbeȓ. Walakin ƹlaḥsab min ɣares ḏ agȓa maci ƹlaḥsab min war ɣares.

2 Ayṯ-Kurinṯ 8:2

Ṯekka xasen ijjen n ȓmiḥneṯ ḏ ṯameqqrant ṯeqseḥ xasen aṭṭas. Waxxa niṯni ḏ ipubriṯen war ɣarsen walu walakin niṯni ȓefraḥeṯ nsen ṯemɣar. Zi manayenni iy zi teffeɣ ijjen n ṣṣaḏaqa ḏ ṯameqqrant aṭṭas.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

1 Timutawus 6:18

Tweṣṣa-ṯen aḏ ggen ȓxir aḏ iȓin ḏ twajar ƹlaḥsab lḥasanaṯ aḏ iȓin ṣaxiyin aḏ iȓin wejḏen bac aḏ ṣeddqen aḏ ḏebbaren.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.