Ayṯ-Ufasus 4:19 - Ṯarifiṯ 2020

¹⁹ Fellsen qaƹ ḏeffaren ccehweṯ nsen u ṣafi, ḏaysen ijjen n zƹameṯ aḏ sxeḏmen i kuȓ nnuƹ n min isexnizen.

Ayṯ-Ufasus 4:19 ပူးပေါင်းရင်းမြစ်များ

Marqus 7:22

ḏ zzna ḏ ṭṭmaƹ ḏ ccarr ḏ ȓbaṭeȓ ḏ ixarwiḍen ḏ ȓeqbaḥeṯ ḏ ṯiṭṭawin n yiwḏan ḏ ttakebbur ḏ ṯubuhȓiya.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

1 Timutawus 4:2

Aḏ yiȓi manaya s nnifaq n iryazen isxarriqen, ḍḍamir nsen ṣafi iḥareq mamc iy ṯ iḥareq ijjen n warcem n wuzzeȓ issecmaḍen.

1 Buṭrus 4:3

Iwa ṣafi, ṯejjiwnem zi min tuɣa tƹicem ƹlaḥsab min rezzun aḏ ggen lkuffar iƹni ȓeqbaḥeṯ ḏ ccehawaṯ ṯiƹeffanin ḏ waṭṭas n ccreb ḏ lfasad ḏ zzhu ḏ lƹibada n lʼaṣnam iƹiffen.

2 Buṭrus 2:22

Iwqeƹ ḏ ṣṣaḥ min iqqar lmiṯal: niɣ <Ṯiȓefṯ iƹummen ḏeg waman ṯeḏweȓ-d aḏ teḥnunneḍ ḏeg urwiḍ.>

Yahuḏa 1:11

Ya ȓefḍiḥeṯ nsen! Tebƹen abriḏ nni n Qabil. Semḥen ḏeg yixef nsen ḍemƹen ḏi tmenyaṯ gguren ḏi lɣaleṭ n Balƹam. Fnan ḏi lḥirak nni n Quraḥ wami iƹarreḍ i Musa.

Lwaḥi 18:3

Ȓaḥeqqac marra ȓegnus swin zeg waman n uḍiȓ n lfasad nnes war iḥȓi, fesḏen akiḏes izeǧiḏen n ṯmurṯ. Isebbaben n ṯmurṯ uwin-d aṭṭas n wagȓa zeg ufelles nnes ameqqran."