Ayṯ-Ufasus 4:18 - Ṯarifiṯ 2020

¹⁸ Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.

Ayṯ-Ufasus 4:18 ပူးပေါင်းရင်းမြစ်များ

Matta 13:15

Ȓaḥeqqac ccaƹb-a, uȓ nnes iḏweȓ am azru, ƹȓayen war tesȓin walu, qqnen ṯiṭṭawin nsen. Ḥima war twiȓin ca s ṯiṭṭawin nsen, war tesȓin ca s imejjan nsen, war fehhmen ca s wuȓawen nsen, aɣari d ḏewȓen, aṯen sgenfiɣ.>

Marqus 3:5

Ixzar ɣarsen iƹeṣṣeb, ixeyyeq ȓaḥeqqac uȓawen nsen qesḥen. Inna-as i uryaz nni: "Sarreḥ fus nnec." Isarreḥ-iṯ uca iḏweȓ ufus nnes igenfa.

Yuḥanna 12:40

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ȓexḏayem 3:17

Ȓexxu ssneɣ ay ayṯma belli ṯeggim manayenni i Ƹisa s ȓeqfaȓeṯ nwem kenniw ḏ arruyas nwem.

Ayṯ-Ruma 1:28

Ssenni niṯni wami ugin aḏ ssnen Arebbi, isellem-iṯen i ȓaƹquȓaṯ nsen infeḍḥen aḏ ggen min war iḥȓin.

Ayṯ-Ruma 11:25

Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

Ayṯ-Ruma 11:7

Iḏen, mixef rezzun Ayṯ-Israʼil war ṯ ufin ca, yinni itwaxḍaren ufin-ṯ. Yinni iqqimen, uȓawen nsen twaqsḥen.

Ayṯ-Ruma 2:19

Meȓa cek aqac metʼakked ṯzemmareḏ aḏ tsuyureḏ iḍarɣaȓen, cek ƹaweḏ aqac ḏ nnur i yinni iǧan ḏi ṯaǧest,

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 2:8

Ȓefhameṯ-a war t ifhim uȓa ḏ ijjen zi lḥukkam n ȓweqṯ-a. Lla, liʼanna maƹlik tuɣa t fehmen, iȓi war ṣelliben ca Siḏiṯneɣ ɣar ṯeǧa lƹaḍama.

2 Ayṯ-Kurinṯ 3:14

Niṯni ȓaƹquȓaṯ nsen twaqesḥen war fehhmen ca. Aȓ nhara xmi ɣa ɣaren ḏi Ȓƹaheḏ nni aqḏim tafen ltam nni ƹaḏ ḏayes. Ltam nni war itwakkes ca, ɣir s Lmasiḥ iy ɣa itwakkes.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

Ayṯ-Galaṭya 4:8

Ḏi ȓweqṯ nni iƹḏun tuɣa war ṯessinem ca Arebbi, ḥekkmen xawem lʼaṣnam zaƹma, ḏi ṭṭabiƹa nsen niṯni maci ḏ arebbiṯen n ṣṣaḥ.

Ayṯ-Ufasus 2:1

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ddnub nwem.

Ayṯ-Ufasus 2:12

Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.

Ayṯ-Kulus 1:21

Kenniw tuɣa qbeȓ tiggwjem x Arebbi tmenɣam akiḏes s ȓaƹquȓaṯ nwem teggem ṯimesȓayin ḏ ṯiƹeffanin.

1 Ayṯ-Salunik 4:5

Maci aḏ tƹicem ḏi ccehweṯ n ddat nwem mammec teggen ȓegnus war issinen ca Arebbi.

Iƹibraniyen 5:2

Izemmar netta aḏ iḥinn x yinni war ifehhmen ca ḏ yinni iffɣen abriḏ minzi netta s yixef nnes ḏayes ḍḍuƹef.

Iƹibraniyen 9:7

Walakin axxam nni wis ṯnayen itraḥ ḏinni ɣir ȓefqi ameqqran, ijjen n ṯwaȓa ḏi lƹam u ṣafi. Wa labud akiḏes yawi ca n iḏammen bac aṯen iqeddem x yixef nnes u x ddnub iy ggin ccaƹb bȓa ma ṯent ssnen.

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.

1 Buṭrus 1:14

Iȓim am ṯarwa itṭaƹan, war ḏeffareṯ ca ccehawaṯ nni ṯiƹeffanin ṯinni iy ḏi tuɣa tƹicem ḏi ȓeqfaȓeṯ nwem iƹḏun.

1 Yuḥanna 2:11

Wenni itƹiffan umas ataf netta ƹaḏ aqaṯ ḏi ṯaǧest ataf iggur ḏi ṯaǧest. War issin ca mani iggur ȓaḥeqqac ṯaǧest nni ṯesḍaɣeȓ-iṯ zi ṯiṭṭawin nnes.