Ayṯ-Ufasus 4:17 - Ṯarifiṯ 2020

¹⁷ Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Ufasus 4:17 ပူးပေါင်းရင်းမြစ်များ

Luqa 16:28

Ɣari xemsa n ayṯma xseɣ aṯen iƹȓem ḥima uȓa ḏ niṯni war tƹeddiben ca ḏeg umcan-a.

Ȓexḏayem 14:15

"Ay iryazen, mayemmi teggem manaya? Qa neccin ḏ iwḏan waha am kenniw am neccin kif-kif. Nuwi-awem-d ijjen n wawaȓ ḏ aṣebḥan bac aḏ tbeƹƹḏem i ṯmesȓayin-a war ineffƹen ca, aḏ tḏewȓem ɣar Arebbi iddaren iy d ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 18:5

Wami d ixḍeȓ Silas ḏ Timutawus zi lʼiqlim n Masidunya, ibḏa Bulus ixeddem ɣir s ttebcir u ṣafi, icehheḏ i Ayṯ-Israʼil belli Ƹisa netta ḏ Lmasiḥ.

Ȓexḏayem 2:40

Iƹȓem-asen Buṭrus aṭṭas iweṣṣa-aṯen inna-asen: "Snejmeṯ ixef nwem zeg yiwḏan n ȓqewṯ-a ḏi ǧan ixarwiḍen."

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ayṯ-Ruma 1:21

Waxxa niṯni tuɣa ssnen Arebbi, walakin war ṯ ḥemmiḏen ca war ṯ ṯcekkaren ca mammec itxeṣṣa aḏ ggen ak Arebbi. Lʼafkar nsen ḏewȓent xwant, uȓawen nsen ḏ ibuhaȓiyen ḏewȓen ḏ ṯaǧest.

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

1 Ayṯ-Kurinṯ 15:50

Fa qqareɣ-awem ay ayṯma, qa aysum ḏ iḏammen war zemmaren aḏ warṯen ḏi ȓmulk ujenna. Min ifennan war iwarreṯ ca min war ifennin.

2 Ayṯ-Kurinṯ 9:6

Fekkareṯ, wenni ɣa izerƹen ḏrus aḏ imjar ḏrus. Wenni ɣa izerƹen aṭṭas aḏ imjar aṭṭas.

Ayṯ-Galaṭya 3:17

Fa nec, min rezzuɣ aḏ iniɣ? Iƹni Ccariƹa n Musa ṯusa-d arbeƹmiyya u ṯȓaṯin sna menbaƹd i ȓƹaheḏ-a ak Brahim. Ccariƹa nni war ṯzemmar ca aḏ tesbeṭṭeȓ ȓƹaheḏ-a ak Brahim ig igga Arebbi. Iƹni min iwƹeḏ Arebbi i Brahim war ṯ tarri ca ccariƹa nni ḏ ȓbaṭeȓ.

Ayṯ-Galaṭya 5:3

Aḏawem ƹawḏeɣ, aḏ iniɣ i kuȓ aryaz wenni iy ɣa iggen ṭṭahareṯ n Musa, itxeṣṣa labud aḏ iṭaƹ i Ccariƹa n Musa amen-ṯekmaȓ.

Ayṯ-Ufasus 1:22

Igga Arebbi ƹaweḏ marra ṯimesȓayin swadday iḍaren nnes iggi-ṯ ḏ azeǧif iy itrayyan x marra ṯimesȓayin ḏi jmaƹeṯ n ȓmuminin.

Ayṯ-Ufasus 4:22

Iwa tuɣa ṯȓemḏem aḏ tsemḥem ḏi ṭṭabiƹa nni nwem tuɣa ɣarwem qbeȓ. Liʼanna ṭṭabiƹa nni nwem ṯarecca ƹlaḥsab ccehweṯ nnes istwaɣarren.

Ayṯ-Kulus 2:18

War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

Ayṯ-Kulus 2:4

Qqareɣ-awem manaya bac war d itis ḥadd akenniw icmeṯ s wawaȓ nnes aḏawem isneƹmiȓ ḏ ṣṣaḥ.

1 Ayṯ-Salunik 4:6

Ƹlaḥsab manaya itxeṣṣa labud uȓa ḏ ijjen war iḍeǧem umas war ṯ itɣecci ca liʼanna ḏ Siḏiṯneɣ ig itxeǧasen x marra ṯimesȓayin-a mammec ḏawem ṯ nenna qbeȓ neƹȓem-awem xas.

1 Timutawus 5:21

Aqa ƹeȓmeɣ-ac zzaṯ i Arebbi ḏ Ƹisa Lmasiḥ ḏ lmalaʼikaṯ itwaxḍaren qa labud aḏ teggeḏ ṯimesȓayin-a bȓa ma aḏ teggeḏ ȓfarz ak can ḥadd bȓa ma aḏ teggeḏ ƹaweḏ s wuḏemawen.

1 Timutawus 6:13

Tweṣṣiɣ-cek zzaṯ i Arebbi wenni iseddaren qaƹ ṯimesȓayin u zzaṯ i Ƹisa Lmasiḥ wenni icehḏen chaḏeṯ nni ṯaṣebḥant zzaṯ i lḥakem Bunṭus Bilaṭus.

2 Timutawus 4:1

Acek weṣṣiɣ zzaṯ i Arebbi ḏ Ƹisa Lmasiḥ wenni iy ɣa iḥekmen x yinni iddaren ḏ yinni immuṯen, acek weṣṣiɣ ƹaweḏ ḏi ȓmulk nnes ḏ Nhar nni iy ḏi d ɣa imeḍhar:

1 Buṭrus 1:18

Aqa ṯessnem kenniw s yijjen n lfidya Arebbi issufeɣ-ikenniw-d zeg yijjen n ṯuḏarṯ ṯexwa iy ḏawem immucen zi ȓejḏuḏ nwem, walakin lfidya-ya iy xawem ixeǧes maci ḏ can n ȓḥajeṯ am ddheb niɣ am nnuqarṯ ig ifennan.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.