Ayṯ-Ufasus 4:15 - Ṯarifiṯ 2020

¹⁵ Lla, innama neccin xmi nessawaȓ ȓḥaqq s ȓemḥibbeṯ labud a nemɣar s kuȓ abriḏ a niȓi am netta ḏ azeǧif nni itrayyan xaneɣ iƹni Lmasiḥ.

Ayṯ-Ufasus 4:15 ပူးပေါင်းရင်းမြစ်များ

Yuḥanna 1:47

Ƹisa iẓra Naṯnahil iggur-d ɣares inna: "Wanita nican zi Ayṯ-Israʼil, war ḏayes bu ixarwiḍen."

Ayṯ-Ruma 12:9

Ȓemḥibbeṯ itxeṣṣa aḏ tiȓi bȓa nnifaq. Ƹiffeṯ min iǧan ḏ ccarr, ṭṭfeṯ ḏi min iǧan ḏ ȓxir.

1 Ayṯ-Kurinṯ 11:3

Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Ayṯ-Kurinṯ 8:8

War qqareɣ ca manaya ḏ ijjen n ȓuṣiyeṯ; Nec rezzuɣ aḏ jarrbeɣ lḥaqiqa n ȓemḥibbeṯ nwem iƹni tcabbaheɣ min teggem kenniw ak mammec tḥawaȓen iwḏan nneɣni s wuȓawen nsen ḏi ȓxeḏmeṯ-a.

Ayṯ-Ufasus 1:22

Igga Arebbi ƹaweḏ marra ṯimesȓayin swadday iḍaren nnes iggi-ṯ ḏ azeǧif iy itrayyan x marra ṯimesȓayin ḏi jmaƹeṯ n ȓmuminin.

Ayṯ-Ufasus 1:4

Cuf, ixḍar-aneɣ ḏi Lmasiḥ qbeȓ ma d ixȓeq ddunect-a bac a niȓi neṣfa bȓa ȓƹib zzaṯes.

Ayṯ-Ufasus 2:21

Ḏayes ḏi netta iy imun marra ȓebni n ṯeddarṯ-a tgaƹƹaḏ ḏ icten bac aḏ tiȓi ḏ ijjen n ṯemziḏa ḏ ṯamqeddest i Arebbi.

Ayṯ-Ufasus 4:25

Iḏen labud kuȓ ijjen zzaywem aḏ ibeƹƹeḏ zeg ixerriqen aḏ issiweȓ s ȓḥaqq ak wajjar nnes liʼanna neccin marra ḏ ijjen n jmaƹeṯ iy neǧa.

Ayṯ-Ufasus 5:23

Ȓaḥeqqac aryaz itrayya x ṯemɣarṯ nnes mamc ƹaweḏ itrayya Lmasiḥ x jmaƹeṯ n ȓmuminin. Jmaƹeṯ-a isenjem-it Lmasiḥ u ḏ nettaṯ ig iǧan ḏ ddat nnes.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Buṭrus 2:2

Iȓiṯ am iḥḍiḍen, sɣuyiweṯ x uɣi nni iṣfan n Arruḥ iqeddsen bac azzayes ṯemɣarem ḏi lʼiman nwem ig isenjamen.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

1 Yuḥanna 3:18

A iḥenjiren, maci a ntexs bnaḏem s wawaȓen ḏ yiȓes waha; Lla, itxeṣṣa aṯ nexs s ȓexḏayem ḏ ȓḥaqq.