Ayṯ-Ufasus 4:14 - Ṯarifiṯ 2020

¹⁴ Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Ufasus 4:14 ပူးပေါင်းရင်းမြစ်များ

Matta 11:7

Wami rewwḥen imeḥḍaren n Yaḥya, Ƹisa ibḏa issawaȓ x Yaḥya iqqar-asen i ȓɣaci nni: "Minxef ṯeffɣem aḏ teẓrem ḏi ȓexȓa? Ma ɣar yij uɣanim ithezza-ṯ arriḥ? Lla!

Matta 24:11

Aḏ d meḍharen aṭṭas n yiwḏan aḏ arren ixef nsen ḏ lʼanbiya, aḏ xeḏƹen aṭṭas n yiwḏan.

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Ȓexḏayem 23:21

War ṯen tejja ca ac sqenƹen qa ḏinni ktar zi arbeƹin n iryazen wejjḏen i Bulus, weƹḏen Arebbi ḥarrmen ixef nsen war tetten war sessen aȓ ṯ ɣa nɣen. Aqa niṯni wejjḏen, ɣir trajan aḏ twafqeḏ x ṭṭaleb nsen."

1 Ayṯ-Kurinṯ 12:2

Qa ṯessnem belli wami tuɣa kenniw ḏ lkuffar twasufɣem zeg ubriḏ ɣar lʼaṣnam izeynunen.

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

1 Ayṯ-Kurinṯ 3:19

Cuf, ȓefhameṯ n ddunect-a nettaṯ ḏ ṯubbuhȓiya waha ɣar Arebbi. Liʼanna iqqar Lkitab:

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

Ayṯ-Galaṭya 3:1

A Ayṯ-Galaṭya, ma ṯbuhȓiyem niɣ? Wi ḏawem iggin ssḥur? Ncerreḥ-awem mliḥ zzaṯ i ṯittawin nwem mammec immuṯ Lmasiḥ x ṣṣalib.

Ayṯ-Ufasus 6:11

Ggem xawem marra ȓesnaḥ n Arebbi bac aḏ tesbeddem min xawem itciṭṭin Ibȓis.

1 Timutawus 3:6

Arrayes-a, maci yallah iy isȓem aḏ yuff s ttakebbur x ȓxeḏmeṯ-a aḏ iwḍa ḏi lƹuquba nni n Ibȓis.

2 Timutawus 1:15

Cek ṯessneḏ belli marra yinni iǧan ḏi lʼiqlim n Asya semḥen ḏayi uȓa ḏ Fixulus ḏ Hirmujinus.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

2 Timutawus 4:3

Aqa aḏ d tas ȓweqṯ nni niṯni war tṣenniṭen ca ɣar ttaƹlim nican; aɣarsen d smunen ijjen n lƹadad n imseȓmaḏen ssawaȓen ɣir min ḏasen iƹejben i imejjan nsen waha.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Yaƹqub 1:6

Walakin manaya itxeṣṣa-yas aḏas ṯ ittar s lʼiman bȓa ma aḏ icekk ȓaḥeqqac wenni itcekkan igga am ȓmujeṯ n ȓebḥar ishaja-t arriḥ itawi-t itarra-t-id.

Yaƹqub 3:4

Cuf ƹaweḏ, aɣarrabu waxxa ḏ ameqqran aṭṭas iḏeffeƹ-iṯ arriḥ ijehḏen, walakin arrayes izemmar aṯ indeh s yijjen n dmam ḏ amezyan aṯ indeh mani ma ixes.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.

1 Yuḥanna 2:26

Uriɣ-awem-d ṯimesȓayin-a x yinni irezzun akenniw xeḏƹen.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

Yahuḏa 1:12

Iṯarrasen-a yina twessaxen imensiwen nwem n ṯemƹacarṯ. Tetten akiḏwem bȓa ma aḏ seḏḥan, niṯni ggin am ca n imeksawen iy ƹettqen ixef nsen waha. Niṯni ḏ iseynuṯen bȓa yanẓar ɣir itawi-ṯen arriḥ itarra-ṯen. Niṯni ggin am ṯcejjura ḏi ȓexȓif war itarwen ca, tneqȓaƹent-id zeg iẓewran nsent; iƹni ibriḏen nsent mmuṯen s ṯnayen.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.