Ayṯ-Ufasus 4:13 - Ṯarifiṯ 2020

¹³ Aȓ ɣa niȓi marra ḏ ijjen ḏi lʼiman u ḏi ṯusna x Mmis n Arebbi. Aȓ ɣa niȓi marra ƹaweḏ nemɣar iƹni ḏ iryazen am ȓaƹbar nni ikmaȓ n ȓqedd n Lmasiḥ.

Ayṯ-Ufasus 4:13 ပူးပေါင်းရင်းမြစ်များ

Matta 11:27

Immuc-ayi kuȓci zi Baba. War issin ḥadd min iƹna Mmis menɣir Babas. War issin ḥadd min iƹna Babas menɣir Mmis. Babas, aṯ ssnen ɣir yinni umi ixes Mmis aḏasen ṯiḏ ismeḍhar.

Yuḥanna 1:16

S lbaraka nnes ṯameqqrant ibarek-aneɣ marra s arḍa x arḍa.

Yuḥanna 16:3

Niṯni teggen manaya minzi war ssinen ca Baba, war ḏayi ssinen uȓa ḏ nec.

Yuḥanna 17:21

Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.

Yuḥanna 17:3

Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Yuḥanna 6:69

Qa neccin numen, nessen qa cek ḏ Lƹaḍim n Arebbi."

Ȓexḏayem 4:32

Jmaƹeṯ nni n ȓmuminin ɣarsen uȓ nsen ḏ ȓaƹqeȓ nsen kif-kif. Uȓa ḏ ijjen zzaysen war iḥesseb min ɣares nnes waḥḏes, carrcen marra ṯimesȓayin jarasen.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

1 Ayṯ-Kurinṯ 2:6

Innama, neccin nessawaḍ ijjen n wawaȓ n ȓefhameṯ ɣar yinni war iqqimen ca ḏ imezyanen ḏi lʼiman nsen. Walakin ȓefhameṯ-a war d tis ca zi ȓweqṯ-a niɣ zi lḥukkam n ȓweqṯ-a ig igguren aḏ fnan.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

Ayṯ-Galaṭya 4:19

A ṯarwa inu, kessiɣ xawem ijjen n umnus ƹaweḏ amecnaw ȓeḥriq n ṯarwa ḥetta aȓ d ixȓeq Lmasiḥ ḏaywem!

Ayṯ-Ufasus 1:17

Ḥima Arebbi Babaṯneɣ ƹaḍim n Siḏiṯneɣ Ƹisa Lmasiḥ aḏawem d yuc ijjen n arruḥ n ȓefhameṯ, kenniw aḏ tƹeȓmem x min inuffaren bac aḏ tessnem Siḏi Arebbi mliḥ.

Ayṯ-Ufasus 1:23

Jmaƹeṯ-a nettaṯ iy iǧan ḏ ddat n Lmasiḥ u zzayes nettaṯ iy iccur yixef nnes u ḏ netta iy iccuren marra ḏi min ḏi ma.

Ayṯ-Ufasus 2:15

S ddat nnes isbeṭṭeȓ ccariƹa nni s ȓuṣiyaṯ nnes ḏ lqawanin nnes bac aḏ igg ḏeg yixef nnes ijjen n ccaƹb waḥḏes ḏ jḏiḏ ḏeg umcan n ṯnayen n ccuƹub nni. Amenni igga ȓehna.

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

Ayṯ-Ufasus 4:3

Ggeṯ marra lmejhud nwem bac aḏ tiȓim ḏ ijjen ḏi Arruḥ iqeddsen wami ṯeṭṭfem fus ḏeg ufus s ȓehna.

Ayṯ-Ufasus 4:5

Siḏiṯneɣ ḏ ijjen, lʼiman ḏ ijjen, ṭṭahareṯ s waman ḏ icten.

Ayṯ-Filippas 3:10

Rezzuɣ aḏ ssneɣ Lmasiḥ ḏ jjheḏ nnes wami d ikkar zi ȓmewṯ. Aḏ ssneɣ ƹaweḏ ṯamƹacarṯ nni xmi ɣa ncarec akiḏes s uƹeddeb nni iy xas ikkin netta, a neḏweȓ amecnaw netta s ȓmewṯ nnes.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

Ayṯ-Kulus 1:28

Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

Iƹibraniyen 5:14

Walakin lmakla n ṣṣaḥ tetten-teṯ ɣir yinni war iǧin ca ḏ iseyman. Niṯni zemmaren i lmakla nni n ṣṣaḥ minzi ȓebda xeddmen i ṯɣuri nni iy qqaren tmeyyazen jar min iǧan ḏ aṣebḥan ḏ jar min iǧan ḏ aƹeffan.

2 Buṭrus 1:4

Ƹlaḥsab ṯimesȓayin-a netta yuca-aneɣ-d lwuƹud nnes imɣaren ig isewwan aṭṭas. Ḥima s lwuƹud-a aḏ tcarcem ḏi ṭṭabiƹa n wenni yuƹȓan wami ṯarewȓem zi min ifennan ḏi ddunect-a ƹlaḥsab ccehawaṯ ṯiƹeffanin.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.