Ayṯ-Ufasus 3:7 - Ṯarifiṯ 2020

⁷ Ḏewȓeɣ ḏ axeddam n Lʼinjil-a ƹlaḥsab lbaraka n Arebbi wami ḏayi t ihḏa isexḏem-it s jjheḏ nnes.

Ayṯ-Ufasus 3:7 ပူးပေါင်းရင်းမြစ်များ

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

1 Ayṯ-Kurinṯ 3:5

Iwa min iƹna Apullus? Min iƹna Bulus? Neccin ḏ ixeddamen waha, ṯumnem x ufus nneɣ mammec ḏaneɣ d yuca Siḏi Arebbi a nexḏem.

2 Ayṯ-Kurinṯ 3:6

Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

2 Ayṯ-Kurinṯ 4:1

S manaya, war ntefciȓ ca minzi ɣarneɣ ȓƹaheḏ-a wanita s arraḥmeṯ n Arebbi.

Ayṯ-Galaṭya 2:8

Minzi Arebbi ig isxeddamen ttebcir n Buṭrus am arrasul i Ayṯ-Israʼil, ḏ netta ig isxeddamen ƹaweḏ ttebcir inu am arrasul i yinni iǧan ḏ iyunaniyen.

Ayṯ-Ufasus 1:19

ḏ min iƹna jjheḏ nnes imɣaren bȓa ȓeqyas ɣar neccin iy yumnen. Jjheḏ-a am wenni ig isexḏem Arebbi s lquwwa nnes

Ayṯ-Ufasus 3:2

Ma ṯesȓam niɣ lla x lmesʼuliya nni, iƹni ijjen n lbaraka iy ḏayi yuca Arebbi xawem kenniw?

Ayṯ-Ufasus 3:20

Iwa Siḏi Arebbi ḏ netta iy izemmaren aḏ igg aṭṭas s waṭṭas zi min ḏas ntettar niɣ ḏ min netxeyyal ƹlaḥsab jjheḏ nnes iy ixeddmen ḏayneɣ.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

1 Ayṯ-Salunik 2:13

Neccin netcekkar Arebbi xawem bȓa ma a nbedd wami ṯqebȓem awaȓ nnes iy ḏawem d nessiweḍ. Ṯqebȓem-ṯ maci am wawaȓ n yiwḏan, ṯqebȓem-ṯ am wawaȓ n Arebbi nican. Ixeddem wawaȓ-a ƹaweḏ ḏaywem kenniw iy yumnen.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.