Ayṯ-Ufasus 3:6 - Ṯarifiṯ 2020

⁶ Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Ufasus 3:6 ပူးပေါင်းရင်းမြစ်များ

1 Ayṯ-Kurinṯ 12:12

Cuf, ddat nneɣ nettaṯ ḏ icten ɣares aṭṭas n ṭrufaṯ, waxxa ṭrufaṯ-a aṭṭas iy iǧan niṯni ḏ ijjen. Ammu iǧa Lmasiḥ.

1 Ayṯ-Kurinṯ 12:27

Fa kenniw ḏ ddat-a iƹni ḏ jmaƹeṯ n Lmasiḥ, kuȓ ijjen zzaywem ḏ ijjen ṭṭarf zzayes.

Ayṯ-Galaṭya 3:14

S Ƹisa Lmasiḥ ṯehwa-d lbaraka nni iy zi tuɣa ṯ iwƹeḏ Arebbi i Brahim ṯuweḍ ɣar ȓegnus, ḥima s lʼiman aḏaneɣ immuc Arruh iqeddsen iy zi ḏaneɣ iwƹeḏ.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Ufasus 3:3

Iƹni ȓmaƹna inuffaren x Lʼinjil ismeḍhar-ayi-iṯ-iḏ isehwa-ṯ-iḏ xafi s lwaḥi mamc ḏawem t uriɣ cwayt zi qbeȓ.

Ayṯ-Ufasus 5:30

Liʼanna neccin ḏ ṭrufaṯ n ddat nnes.

Ayṯ-Ufasus 5:7

Iḏen war temƹacareṯ ca akiḏsen.

Ayṯ-Kulus 2:19

Bnaḏem nni isexṣar lƹalaqa ak wenni itrayyan ḏ azeǧif. Azeǧif nni netta itḏebbar i ddat nnes amen-ṯekmaȓ wami nettaṯ ṯmun s ipurṣuṯen ḏ ȓemfaseȓ nnes bac ddat aḏ temɣar ƹlaḥsab min ixes Arebbi aḏ temɣar.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

1 Yuḥanna 2:25

Minzi ḏaneɣ iwƹeḏ? Iwƹeḏ-aneɣ s ṯuḏarṯ n ȓebda n ȓebdaṯ.