Ayṯ-Ufasus 3:2 - Ṯarifiṯ 2020

² Ma ṯesȓam niɣ lla x lmesʼuliya nni, iƹni ijjen n lbaraka iy ḏayi yuca Arebbi xawem kenniw?

Ayṯ-Ufasus 3:2 ပူးပေါင်းရင်းမြစ်များ

Ȓexḏayem 13:2

Wami ƹebbḏen Siḏi Arebbi tẓumman, inna-asen Arruḥ iqeddsen: Ḥuzem-ayi-d Barnaba ḏ Cawul i ȓxeḏmeṯ nni umi ṯen ixḍareɣ.

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 11:13

Fa nec qqareɣ-awem manaya i kenniw war iǧin ca zi Ayṯ-Israʼil. Nec ḏ arrasul ɣar yinni war iǧin ca zi Ayṯ-Israʼil, nec ȓxeḏmeṯ inu ḥessbeɣ-t ɣares ijjen n ccan imɣar.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

1 Ayṯ-Kurinṯ 4:1

Cuf, ammu itxeṣṣa aḏaneɣ ẓren yiwḏan iƹni neccin ḏ ixeddamen n Lmasiḥ, neccin netkellaf x ṯmesȓayin inuffaren n Arebbi.

Ayṯ-Galaṭya 1:13

Aqa ṯesȓim xafi mammec tuɣa tƹiceɣ zi qbeȓ wami tuɣa tbaƹeɣ ddin n Ayṯ-Israʼil, iƹni mammec tuɣa tƹeddabeɣ jmaƹeṯ n ȓmuminin n Arebbi s umenɣi, rezzuɣ axasen qḍiɣ.

Ayṯ-Ufasus 1:10

Ȓmaƹna-ya inuffaren ixeṭṭeṭ-it-id bac aḏ tebḏa ṯṣeǧaḥ ḏi ȓweqṯ nnes nican bac aḏ ismun Arebbi marra ṯimesȓayin ḏi Lmasiḥ, iƹni ṯimesȓayin ḏeg ujenna ḏ ṯmurṯ.

Ayṯ-Ufasus 3:7

Ḏewȓeɣ ḏ axeddam n Lʼinjil-a ƹlaḥsab lbaraka n Arebbi wami ḏayi t ihḏa isexḏem-it s jjheḏ nnes.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Ufasus 3:9

Ƹaweḏ bac aḏ seḍhareɣ mliḥ i marra iwḏan min ixeṭṭeṭ Arebbi ḏi ȓmaƹna nni inuffaren ig ijja netta ḏeg yixef nnes ḏi zmanaṯ iy iƹḏun u ḏ netta ḏ Lxaliq n marra min iǧan ḏ ṯimesȓayin.

Ayṯ-Ufasus 4:21

Wah, ṯȓemḏem x Ƹisa lḥaqiqa iy iǧan ḏayes iƹni meȓa ṯesȓam xas nican.

Ayṯ-Ufasus 4:7

Cuf, kuȓ ijjen zzayneɣ ṯemmuc-as yijjen n lbaraka ƹlaḥsab mammec t iwzen Lmasiḥ ḏ lhadiya.

Ayṯ-Kulus 1:4

Liʼanna netsȓa xawem x lʼiman nwem iy ḏaywem x Ƹisa Lmasiḥ ḏ ȓemḥibbeṯ nwem iy teggem i ṣṣaliḥin marra.

1 Timutawus 1:11

Ttaƹlim-a iǧan nican aṯ naf ḏi Lʼinjil n Arebbi lƹaḍim ig itwarbarken. Lʼinjil-a ikellef-ayi-d xas nec am yijjen n lʼamana.

1 Timutawus 1:4

Aḏasen ṯiniḏ war ḏeffarem ca ṯiḥuja niɣ ḏ ṯacejjarṯ nni war iqeṭṭin ca x ȓejḏuḏ nwem. Ṯimesȓayin-a am ṯina ɣir tsejjaƹent-aneɣ bac a nweddar ḏi lʼafkar ixwan, war ḏaneɣ ṯsiwwiḍent ca ɣar min itxeṭṭeṭ Arebbi minzi min ḏaneɣ isawwaḍen ɣar Arebbi netta ḏ lʼiman.

1 Timutawus 2:7

X manayenni iy twaxḍareɣ nec bac aḏ ḥeddṯeɣ aḏ iȓiɣ ḏ arrasul aḏ iȓiɣ ḏ amseȓmaḏ ƹlaḥsab lʼiman ḏ ȓḥaqq jar yinni war iǧin ca zi Ayṯ-Israʼil. Qqareɣ lmaƹqul maci ḏ ixarriqen.

2 Timutawus 1:11

Ƹlaḥsab Lʼinjil-a twaxḍareɣ nec aḏ beccareɣ aḏ iȓiɣ ḏ arrasul ḏ ijjen n umseȓmaḏ.