Ayṯ-Ufasus 3:18 - Ṯarifiṯ 2020

¹⁸ bac aḏ yiȓi ɣarwem jjheḏ ak marra ṣṣaliḥin aḏ tzemmarem aḏ tfehmem mecḥaȓ ṯiȓiw mecḥaȓ ṯazeyrarṯ mecḥaȓ ṯuƹȓa mecḥaȓ ṯuǧeɣ ȓemḥibbeṯ n Lmasiḥ.

Ayṯ-Ufasus 3:18 ပူးပေါင်းရင်းမြစ်များ

Yuḥanna 15:13

War ḏinni bu ȓemḥibbeṯ ktar zi ṯenni n bnaḏem aḏ iṣeddeq ṯuḏarṯ nnes ƹlaḥsab imeddukaȓ nnes.

Ayṯ-Ruma 10:3

Wami war ssinen ca mammec igga Arebbi isemṣȓaḥ akiḏes bnaḏem, kkaren niṯni ḏfaren abriḏ nsen nniṯ war qbiȓen ca abriḏ n Arebbi.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 3:13

Lmasiḥ ifekk-aneɣ zi nnaƹȓeṯ nni iǧan ḏi ccariƹa wami yarra ixef nnes ḏ ijjen n nnaƹȓeṯ ƹlaḥsab neccin. Ȓaḥeqqac Lkitab iqqar:

Ayṯ-Ufasus 1:10

Ȓmaƹna-ya inuffaren ixeṭṭeṭ-it-id bac aḏ tebḏa ṯṣeǧaḥ ḏi ȓweqṯ nnes nican bac aḏ ismun Arebbi marra ṯimesȓayin ḏi Lmasiḥ, iƹni ṯimesȓayin ḏeg ujenna ḏ ṯmurṯ.

Ayṯ-Ufasus 1:15

X manaya, nec zeg wami tuɣa tesȓiɣ x lʼiman nwem zi Siḏiṯneɣ Ƹisa ḏ ȓemḥibbeṯ nwem i marra ṣṣaliḥin

Ayṯ-Ufasus 3:19

Aḏ tessnem ƹaweḏ mliḥ ȓemḥibbeṯ-a ṯanita n Lmasiḥ mecḥaȓ ṯemɣer x marra ṯusna ḏi ddunect-a bac aḏ teccarem s min iccur Arebbi.

Ayṯ-Kulus 1:4

Liʼanna netsȓa xawem x lʼiman nwem iy ḏaywem x Ƹisa Lmasiḥ ḏ ȓemḥibbeṯ nwem iy teggem i ṣṣaliḥin marra.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

Lwaḥi 3:21

Wenni ɣa irebḥen aṯ jjeɣ akiḏi iqqim x lƹarc inu, am rebḥeɣ uȓa ḏ nec qqimeɣ ak Baba x lƹarc nnes.