Ayṯ-Ufasus 3:17 - Ṯarifiṯ 2020

¹⁷ ḥima Lmasiḥ aḏ izḏeɣ ḏeg wuȓawen nwem s lʼiman. Tettareɣ i Arebbi ƹaweḏ aḏ twaẓẓum aḏ tuwṯem mliḥ iẓewran ḏeg ucaȓ n ȓemḥibbeṯ

Ayṯ-Ufasus 3:17 ပူးပေါင်းရင်းမြစ်များ

Matta 13:6

Walakin wami ṯsummar ṯfuct, ṯnezȓef ȓexddenni ṯisraw ȓaḥeqqac iẓewran nnes war uwṯin ca ɣar ȓaǧeɣ n ṯmurṯ.

Luqa 6:48

Itcabbah ḏeg yijjen n uryaz ig ibennan ṯaddarṯ nnes, iɣza aṭṭas igga dsas x uzru. Wami d iḥmeȓ iɣzar iƹḏu x ṯeddarṯ nni, war izemmar at isenhezz minzi ṯebna mliḥ.

Yuḥanna 14:17

Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem.

Yuḥanna 14:23

Inna-as Ƹisa: "Wenni ḏayi itḥibban, ataf aḏ ixḏem zeg wawaȓ inu. Aṯ iḥibb Baba, a nraḥ ɣares nec ḏ Baba, ɣares iy ɣa nezḏeɣ.

Yuḥanna 17:23

Cek aqac ḏayi nec aqayi ḏaysen, ḥima aḏ munen aḏ iȓin ḏ ijjen. Ḥima aḏ ssnen yiwḏan qa cek ṯessekkeḏ-ayi-d ɣar imeḥḍaren-a, tḥibbiḏ-ṯen amecnaw mammec ḏayi tḥibbiḏ nec.

Yuḥanna 6:56

Marra wenni ɣa iccen ddat inu aḏ isew iḏammen inu, ataf aḏ iqqim ḏayi, nec ḏayes.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

1 Ayṯ-Kurinṯ 3:6

Nec ẓẓuɣ, Apullus isessew, u ḏ Arebbi iy kenniw iseɣmayen.

1 Ayṯ-Kurinṯ 8:1

Fa lmakla itqeddamen i lʼaṣnam. Neccin marra iḏneɣ ɣarneɣ ṯusna, iƹni nessen ṯimesȓayin. Ṯusna-ya iy nessen tsuffa iwḏan s ttakebbur, walakin ȓemḥibbeṯ tarni ḏayneɣ jjheḏ.

2 Ayṯ-Kurinṯ 13:5

Jarrbeṯ ixef nwem ma aqa kenniw ḏi lʼiman. Rajƹeṯ ixef nwem. Yac ṯessnem qa Ƹisa Lmasiḥ aqaṯ ḏaywem? Iƹni meȓa war ṯesqiṭem ca.

2 Ayṯ-Kurinṯ 6:16

Min ṯcarrec ṯemziḏa ṯameqqrant n Arebbi ak lʼaṣnam? Walu. Cuf, neccin iy iǧan ḏ ṯamziḏa n Arebbi iddaren. Amenni iqqar Arebbi:

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

1 Yuḥanna 4:16

Ammu iy d nuweḍ a nessen ȓemḥibbeṯ n Arebbi a namen zi ṯenni iy ḏaneɣ d yuca i neccin. Arebbi ḏ ȓemḥibbeṯ ig iǧa. Wenni iqqimen ḏi ȓemḥibbeṯ netta iqqim ḏi Arebbi, Arebbi iqqim ḏayes.

1 Yuḥanna 4:4

Kenniw a iḥenjiren, zi Arebbi iy ṯeǧam. Iṯarrasen-a ṯɣeȓbem-ṯen ȓaḥeqqac wenni iǧan ḏaywem imɣar x wenni iǧan ḏi ddunect-a.

Lwaḥi 3:20

Qa nec beddeɣ zzaṯ i ṯewwarṯ sqerqubeɣ. Meȓa isȓa can yijjen i ṯmijja inu qa aḏ irzem ṯawwarṯ, ataf aɣares aḏfeɣ akiḏes cceɣ akiḏi icc.