Ayṯ-Ufasus 3:16 - Ṯarifiṯ 2020

¹⁶ Tettareɣ i Arebbi zeg wagȓa nnes aƹḍim akenniw isejheḏ ḏi nnefs nwem s ufus n Arruḥ nnes

Ayṯ-Ufasus 3:16 ပူးပေါင်းရင်းမြစ်များ

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Ayṯ-Ruma 2:29

Walakin aʼisraʼili iǧan ḏ ṣṣaḥ itiȓi ɣares manaya ɣar ḏaxeȓ. U ḏ ṭṭahareṯ n ṣṣaḥ tiȓi ḏeg wuȓ s Arruḥ n Arebbi, war iǧi bu s ccariƹa. Bnaḏem-a war ṯ tcekkaren ca yiwḏan, itcekkar-iṯ Arebbi.

Ayṯ-Ruma 7:22

Liʼanna ḏi nnefs inu nec farḥeɣ s ccariƹa n Arebbi,

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

1 Ayṯ-Kurinṯ 16:13

Iȓiṯ ƹlalbal, beddeṯ nican ḏi lʼiman, iȓiṯ ḏ iryazen, iȓiṯ ṯjehḏem.

2 Ayṯ-Kurinṯ 12:9

Netta inna-ayi lla, icfa-yac arḍa inu; Jjheḏ inu aḏ iḏweȓ ikmaȓ s ḍḍuƹef-a. Falihaḏa farrḥeɣ aṭṭas aḏ ftaxareɣ s ḍḍuƹef n jjheḏ inu bac jjheḏ n Lmasiḥ aḏayi izḏeɣ.

2 Ayṯ-Kurinṯ 4:16

X manaya neccin war ntefciȓ ca. Waxxa ṭṭabiƹa n ddat nneɣ ɣar barra traḥ, ṭṭabiƹa nneɣ ɣar ḏaxeȓ tejhiḏ nhar x nhar.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Ufasus 2:7

Mayemmi? Ḥima Siḏi Arebbi ḏi zmanaṯ iy d ɣa yasen aḏ d ismeḍhar agȓa nnes iƹni arḍa nnes mecḥaȓ ig iǧa ḏ ameqqran bȓa ȓeqyas iy ḏaneɣ d isbeyyen ḏi Ƹisa Lmasiḥ.

Ayṯ-Ufasus 3:15

Zzayes netta iy d tekken isemawen n lʼaṣel n marra ȓeḥbab n ujenna ḏ ṯmurṯ.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Ufasus 6:10

Aqa awaȓ inu aneggaru: Jehḏeṯ s Siḏi Arebbi u s lquwwa nnes ṯameqqrant.

Ayṯ-Filippas 4:13

Qaƹ ṯimesȓayin zemmareɣ-asent s wenni iy ḏayi iticcen jjheḏ.

Ayṯ-Filippas 4:19

Aqa Arebbi inu aḏawem yuc qaƹ min ṯeḥḏajem ƹlaḥsab agȓa nnes lƹaḍim ḏi Ƹisa Lmasiḥ.

Ayṯ-Kulus 1:11

Ntettar i Arebbi aḏ tjehḏem ḏi marra ṯizemmar nwem ƹlaḥsab lquwwa nnes iǧan ƹaḍima bac aḏ tbeddem aḏ teṣbarem mliḥ s ȓefraḥeṯ,

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

2 Timutawus 4:17

Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.

Iƹibraniyen 11:34

sexsin aḥaḏuq n ṯmessi, feȓṯen zi ȓeqḍeƹ n ssif. Ḍḍuƹef nsen iḏweȓ ḏ jjheḏ, jehḏen ḏi ȓḥarb uzzȓen x ȓƹaskar n ṯmura nneɣni.

1 Buṭrus 3:4

Lla, zzin nkent itxeṣṣa aḏ yiȓi ɣar ḏaxeȓ nkent iƹni zzin nni itiȓin inuffar ḏeg wuȓ. Zzin-a war ifenni ca ƹemmarṣ, ɣares arruḥ mhedden ḏayes ttawaḍuƹ ḏ yijjen n ccan ḏ ameqqran zzaṯ i ṯiṭṭawin n Arebbi.