Ayṯ-Ufasus 2:2 - Ṯarifiṯ 2020

² Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Ayṯ-Ufasus 2:2 ပူးပေါင်းရင်းမြစ်များ

Matta 11:19

Yusa-d Mmis n bnaḏem itett isess war itẓummi ca, nnan qa wanita itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan. Innama, ȓefhameṯ n Arebbi qebbȓen-teṯ marra yinni ifehhmen."

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Matta 13:38

Amarjeƹ netta ḏ ddunect. Zzarriƹeṯ ṯaṣebḥant nettaṯ ḏ ṯarwa n ȓmulk ujenna. Isennanen niṯni ḏ ṯarwa n Uƹeffan nni n Ibȓis.

Marqus 4:19

ḏaysen amnus n ddunect, icemmeṯ-iṯen ṭṭmaƹ n wagȓa, ḏaysen ccehawaṯ n ṯmesȓayin nneɣni, ssenni itwajeyyef wawaȓ n Arebbi war ineffeƹ ca.

Luqa 16:8

Bab n ci icekkar aweqqaf nnes ḏi iǧa lḥila x ȓefṭaneṯ nnes. Cuf, ṯarwa n zman-a ḏaysen ȓefṭaneṯ jarasen ktar zi ṯarwa n nnur.

Luqa 22:31

Inna-as Ƹisa: "Xzar a Simƹan: Cciṭan irezzu akenniw iɣarbeȓ am mammec tɣarbaȓen irḏan.

Yuḥanna 12:31

Ȓexxu aḏ twaƹaqeb ddunect-a. Ȓexxu Lmufsid nni ameqqran n ddunect-a axas azzȓen.

Yuḥanna 13:2

Qbeȓ amensi tuɣa Ibȓis iɣarr Yahuḏa mmis n Simƹan Isxaryuṭi ḥima aḏ izzenz Ƹisa.

Yuḥanna 13:27

Wami iṭṭef areqquz nni n uɣrum Yahuḏa ȓexddenni yuḏef-iṯ Cciṭan. Inna-as Ƹisa: "Ḏeɣya, egg min ɣa ṯeggeḏ."

Yuḥanna 14:30

War kiḏwem ssiwiȓeɣ ca nec ƹaḏ aṭṭas minzi Lmufsid nni ameqqran n ddunect-a itas-d. War ɣares bu ṯzemmar xafi.

Yuḥanna 15:19

Maƹlik kenniw zi ddunect-a, iȓi kenniw ṯƹizzem x ddunect-a. Walakin kenniw war ṯeǧim ca zi ddunect. Nec ixḍareɣ-kenniw zi ddunect-a, s manayenni tƹiffa-kenniw ddunect.

Yuḥanna 16:11

U ɣalṭen x lḥisab minzi Lmufsid nni ameqqran n ddunect-a itwaḥkem.

Yuḥanna 7:7

Ddunect war ṯzemmar ca akenniw ṯƹiff, nec tƹiffa-ayi ddunect minzi cehhḏeɣ qa ȓexḏayem n ddunect-a ḏ ṯiƹeffanin.

Yuḥanna 8:23

Inna-asen Ƹisa: "Kenniw zeg wadday iƹni zi ṯmurṯ, nec zeg ujenna. Kenniw zi ddunect-a, nec war ǧiɣ ca zi ddunect-a.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ȓexḏayem 19:35

Yusa-d naʼib n lḥakem n ṯendint ihedden ȓɣaci nni inna-asen: "Ay iryazen n Ufasus, ma ḏinni ca ḥadd iy war issinen ca belli ṯandint-a n Ufasus ḏ nettaṯ iy iḥeṭṭan zzawyiṯ n Ṯarṭamist ṯameqqrant ḏ uzru nnes amqeddes iy d iwḍan zeg ujenna?

Ȓexḏayem 5:3

Inna-as Buṭrus: "Ay Anas, mayemmi ṯejjiḏ Cciṭan ac iɣarr yuḏef ḏeg wuȓ nnec ṯesxerrqeḏ x Arruḥ iqeddsen ṯesnuffareḏ can n tmenyaṯ i yixef nnec zi tmenyaṯ n ṯmurṯ nni?

Ayṯ-Ruma 12:2

War teggem ca min teggen yiwḏan ḏi ȓweqṯ-a ṯanita. Itxeṣṣa aɣarwem yiȓi ijjen n ȓaƹqeȓ ḏ jḏiḏ ḥima aḏ twabeddȓem, ssenni aḏ tessnem kenniw min ixes Arebbi, iƹni min iṣebḥan ḏ min ḏas iteƹjiben war ḏayes bu uxeṭṭi.

1 Ayṯ-Kurinṯ 5:10

Walakin tuɣa war ssiwiȓeɣ ca x lkuffar n ddunect-a yinni iteggen lfasad niɣ ḏ iḍemmaƹen niɣ ḏ iɣeccacen niɣ ḏ yinni iƹebbḏen lʼaṣnam. Maƹlik amenni, aḏ yiȓi labud aḏ teffɣem zi ddunect-a qaƹ.

1 Ayṯ-Kurinṯ 6:11

Ammu iy tuɣa teggen ȓebƹaḍ zzaywem, walakin ȓexxu twasirḏem, twassiṣfam, twasemṣȓaḥem ak Arebbi s yisem n Siḏiṯneɣ Ƹisa Lmasiḥ u s Arruḥ n Arebbi nneɣ.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

Ayṯ-Galaṭya 1:4

Lmasiḥ iṣeddeq ixef nnes x ȓmuƹṣiyeṯ nneɣ s ȓxaḍar n Arebbi Babaṯneɣ ḥima aḏaneɣ isenjem zi zman-a aƹeffan iy ḏi neǧa.

Ayṯ-Ufasus 1:21

Isuƹȓa-ṯ Arebbi aṭṭas x marra ȓeḥkam ḏ ȓmexzen ḏ jjheḏ ḏ lmemlaka. Isuƹȓa-ṯ netta ƹaweḏ x kuȓ isem iy teggen ḏ isemawen, maci ɣir ḏi zman-a iy ḏi neǧa waha walakin ƹaweḏ ḏi lʼaxira.

Ayṯ-Ufasus 2:11

Iwa ƹeqȓeṯ belli kenniw tuɣa ṯeǧam zeg yinni itwasemman ḏ lkuffar zaƹma, war ṯeggim ca ṭṭahareṯ. Amenni iy qqaren yinni iteggen ṭṭahareṯ (iƹni ɣir min teggen ḏi ddat s ifassen n bnaḏem waha).

Ayṯ-Ufasus 2:13

Walakin wami ṯumnem zi Ƹisa Lmasiḥ, kenniw iy tuɣa ṯuggwjem aṭṭas zi Arebbi qbeȓ, ṣafi ȓexxu isqarreb-ikenniw-d ɣares s iḏammen n Lmasiḥ.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Ufasus 4:22

Iwa tuɣa ṯȓemḏem aḏ tsemḥem ḏi ṭṭabiƹa nni nwem tuɣa ɣarwem qbeȓ. Liʼanna ṭṭabiƹa nni nwem ṯarecca ƹlaḥsab ccehweṯ nnes istwaɣarren.

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

Ayṯ-Ufasus 5:8

Cuf, ḏeg yijjen n ȓweqṯ kenniw tuɣa ḏ ṯaǧest, ȓexxu kenniw ṯḏewȓem ḏ ijjen n nnur ḏi Siḏi Arebbi. Iwa ƹiceṯ am ṯarwa n nnur.

Ayṯ-Ufasus 6:12

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.

Ayṯ-Kulus 1:21

Kenniw tuɣa qbeȓ tiggwjem x Arebbi tmenɣam akiḏes s ȓaƹquȓaṯ nwem teggem ṯimesȓayin ḏ ṯiƹeffanin.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

Yaƹqub 1:27

Ddin iṣfan iy inqan ɣar Arebbi Babaṯneɣ min iƹna? Iƹni bnaḏem itraḥ ɣar yujiȓen ḏ ṯajjaȓin aṯen iƹawen ḏeg uzeyyar nsen, aḏ iḥḍa ixef nnes ḥima war ṯ twessix ca ddunect-a.

Yaƹqub 1:7

Bnaḏem-a itxeṣṣa-yas war itfekkir ca belli Siḏi Arebbi aḏas yuc can ȓḥajeṯ.

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.

1 Buṭrus 1:14

Iȓim am ṯarwa itṭaƹan, war ḏeffareṯ ca ccehawaṯ nni ṯiƹeffanin ṯinni iy ḏi tuɣa tƹicem ḏi ȓeqfaȓeṯ nwem iƹḏun.

1 Buṭrus 4:3

Iwa ṣafi, ṯejjiwnem zi min tuɣa tƹicem ƹlaḥsab min rezzun aḏ ggen lkuffar iƹni ȓeqbaḥeṯ ḏ ccehawaṯ ṯiƹeffanin ḏ waṭṭas n ccreb ḏ lfasad ḏ zzhu ḏ lƹibada n lʼaṣnam iƹiffen.

2 Buṭrus 2:14

Ṯiṭṭawin nsen ɣir xezzarent ḏi zzna, war tjiwinent ca s ȓmuƹṣiyaṯ. Niṯni tḥeǧaqen-d yinni war itejhiḏen ca ḏi lʼiman, uȓawen nsen trinaren ḏi ṭṭmaƹ. Niṯni ḏ ṯarwa n nnaƹȓeṯ.

1 Yuḥanna 3:10

Mammec ɣa negg a nesfreq ṯarwa n Arebbi ḏ ṯarwa n Ibȓis? Qa yinni war iqqimen ca sxeddamen min iǧan nican war ǧin ca zi Arebbi. Ƹaweḏ wenni war itexsen ca umas war iǧi ca zi Arebbi.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

1 Yuḥanna 4:4

Kenniw a iḥenjiren, zi Arebbi iy ṯeǧam. Iṯarrasen-a ṯɣeȓbem-ṯen ȓaḥeqqac wenni iǧan ḏaywem imɣar x wenni iǧan ḏi ddunect-a.

1 Yuḥanna 5:19

Nessen illa neccin zi Arebbi, nessen ƹaweḏ marra ddunect-a aqat swadday i ṯzemmar n Lmufsid.

1 Yuḥanna 5:4

Aqa marra wenni iy d ixeȓqen zi Arebbi aḏ iɣȓeb x ddunect-a. Ḏ wa ḏ aɣȓab iy zi neɣȓeb x ddunect-a iƹni lʼiman nneɣ.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 16:17

Ṯekkar lmalaʼika wis sebƹa ṯzeǧeƹ ṯimejmarṯ nnes ḏi lhawa sȓiɣ i yijjen n ṯmijja zi ṯemziḏa ṯameqqrant iy d ikkin zi lƹarc ṯeqqar s jjheḏ: "Ṣafi, itwakemmeȓ!"

Lwaḥi 20:2

Iṭṭef wenni iggin am ddaynaṣur netta ḏ fiɣer nni n zman iƹni Ibȓis niɣ ḏ Cciṭan, iqqen-iṯ iḥbes-iṯ aȓaf n iseggwusa.