Ayṯ-Ufasus 2:19 - Ṯarifiṯ 2020

¹⁹ Iḏen, ȓexxu kenniw war ṯeqqimem ca ḏ ibarraniyen niɣ ḏ imezḏaɣ. Lla, ȓexxu kenniw ḏ imƹacaren ak ṣṣaliḥin iƹni yuca-awem Arebbi ljinsiya akiḏsen ṯḏewȓem ḏ ȓeḥbab n ṯeddarṯ n Arebbi.

Ayṯ-Ufasus 2:19 ပူးပေါင်းရင်းမြစ်များ

Matta 10:25

Baraka ɣir aḏ yiȓi umeḥḍar am lmuƹallim nnes, aḏ yiȓi uxeddam am uweqqaf nnes. Meȓa ȓaɣan i bab n ṯeddarṯ , iwa mammec ɣa ȓaɣan i ȓeḥbab n ṯeddarṯ nnes?

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

Ayṯ-Ufasus 2:12

Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.

Ayṯ-Ufasus 3:15

Zzayes netta iy d tekken isemawen n lʼaṣel n marra ȓeḥbab n ujenna ḏ ṯmurṯ.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Filippas 3:20

Neccin lla, ljinsiya nneɣ aqat ḏeg ujenna. Ssenni iy d ɣa yas wenni iy netraja iy ḏaneɣ ɣa isnejmen iƹni Siḏiṯneɣ Ƹisa Lmasiḥ.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

Iƹibraniyen 13:14

Minzi ḏanita war ɣarneɣ bu ṯendint itduman; Lla, nrezzu x ṯendint nni iy d ɣa yasen.

1 Buṭrus 2:11

Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.

1 Yuḥanna 3:1

Xzareṯ mecḥaȓ ḏ ṯameqqrant ȓemḥibbeṯ iy ḏaneɣ d yuca Babaṯneɣ wami netwasemma ḏ ṯarwa n Arebbi! U ḏ ṣṣaḥ ammu iy neǧa. Ddunect-a, mayemmi war ḏaneɣ ṯessin ca neccin? Ȓaḥeqqac uȓa ḏ netta war ṯ ṯessin ca.