Ayṯ-Ufasus 2:18 - Ṯarifiṯ 2020

¹⁸ Liʼanna s Lmasiḥ am neccin am kenniw nzemmar a nqarreb ɣar Arebbi Babaṯneɣ s yijjen n Arruḥ iqeddsen.

Ayṯ-Ufasus 2:18 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Yuḥanna 10:7

Inna-asen Ƹisa ƹaweḏ: "Aqa tesȓam ȓḥaqq: Nec ḏ ṯawwarṯ n ȓkuri.

Yuḥanna 10:9

Nec ḏ ṯawwarṯ, wenni zzayi ɣa yaḏfen aḏ injem. Aḏ yiȓi amecnaw ijjen n uḥuȓi itaḏef iteffeɣ itaf min ɣa icc.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 8:6

Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.

Ayṯ-Galaṭya 4:6

Wami ṯḏewȓem kenniw ḏ ṯarwa n Arebbi, issekk-d Arruḥ n Mmis yuḏef ḏeg wuȓawen nneɣ ɣar ḏaxeȓ itȓaɣa iqqar, a Baba a Baba inu!

Ayṯ-Ufasus 3:12

Zzayes netta a nqarreb ɣar Arebbi s zƹameṯ ḏ ttiqeṯ bȓa ma a neggweḏ xmi zzayes ntamen.

Ayṯ-Ufasus 3:14

Nniɣ-awem x manaya nec terkaƹeɣ x ifadden inu zzaṯ i Babaṯneɣ.

Ayṯ-Ufasus 4:4

Jmaƹeṯ ḏ icten, Arruḥ iqeddsen ḏ ijjen. Amenni Arebbi wami ḏawem d iȓaɣa, iȓaɣa-yawem-d ɣar lʼamal ḏ ijjen.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ayṯ-Kulus 1:12

bac aḏ tcekkarem Babaṯneɣ wenni iy ḏawem yucin ȓḥaqq aḏ tcarcem ḏi lwareṯ n ṣṣaliḥin ḏi nnur.

Iƹibraniyen 7:19

Iffeɣ-d ijjen lʼamal ḥsen zi ȓuṣiyeṯ nni, zzayes iy ɣa nqarreb ɣar Arebbi ȓaḥeqqac Ccariƹa n Musa war d tarri uȓa ḏ ijjen ȓḥajeṯ war ḏayes bu ȓƹib.

Yaƹqub 3:9

Zzayes iy nḥemmeḏ Siḏi Arebbi Babaṯneɣ. Ma zzayes ƹaweḏ iy zi ɣa nenƹeȓ iryazen iy d ixȓeq Arebbi x ṣṣifeṯ nnes?

1 Buṭrus 1:17

Meȓa ṯeqqarem-as "A Baba" i wenni iteḥsaben ȓexḏayem n kuȓ bnaḏem bȓa uḏemawen ataf itxeṣṣa aḏ tƹicem s yijjen n ṯiggwḏi axmi ɣa ṯƹezzbem ḏi ṯmurṯ-a.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

Yahuḏa 1:20

Kenniw ay imƹizzen inu, bnaṯ ixef nwem ḏi dsas n lʼiman yuƹȓan iy iǧan ḏaywem, ẓaǧem s Arruḥ iqeddsen.