Ayṯ-Ufasus 2:14 - Ṯarifiṯ 2020

¹⁴ Cuf, Lmasiḥ netta s yixef nnes ḏ ȓehna nneɣ. Ḏ netta ig ismunen Ayṯ-Israʼil ḏ ȓegnus nneɣni igga ṯnayen n ccuƹub-a ḏeg yijjen n ccaƹb. S ddat n Lmasiḥ ihḏem ȓḥiḍ nni iy tuɣa ḏaneɣ iferrqen s lƹadawa jaraneɣ.

Ayṯ-Ufasus 2:14 ပူးပေါင်းရင်းမြစ်များ

Luqa 1:79

Ḥima aḏ yuc ṯfawṯ i yinni itƹicen ḏi ṯaǧesṯ ḏi ṯiȓi n ȓmewṯ, ḥima aḏaneɣ isuyur iḍaren nneɣ ɣar ubriḏ n ȓehna."

Luqa 2:14

"Lƹaḍama i Arebbi Yuƹȓan, ḏ ȓehna n yinni ḏi ṯmurṯ mixef irḍa."

Yuḥanna 10:16

Ɣari iḥuȓiyen nneɣni war ǧin ca ḏi ȓkuri-ya, itxeṣṣa-ayi aṯen d awiɣ. Aḏ sȓen i ṣṣut inu aḏ tiȓi ḏ ijjen n ṯḥimerṯ ḏ ijjen iy ṯen ɣa yarewsen.

Yuḥanna 11:52

War iǧi bu x lʼumma n Ayṯ-Israʼil waha, uȓa ḏ ṯarwa n Arebbi itemzeǧaƹen ḏi ṯmura, aṯen ismun Arebbi ḏ ijjen.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ȓexḏayem 10:28

Inna-asen: "Qa ṯessnem belli israʼiliyen ɣarsen ḥram aḏ xellṭen ak ȓbarrani niɣ aḏ aḏfen ṯaddarṯ nsen. Walakin Arebbi isfahem-ayi-d qbeȓ war qqareɣ i ḥadd qa cek ḥram niɣ mekruh.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

Ayṯ-Ufasus 2:15

S ddat nnes isbeṭṭeȓ ccariƹa nni s ȓuṣiyaṯ nnes ḏ lqawanin nnes bac aḏ igg ḏeg yixef nnes ijjen n ccaƹb waḥḏes ḏ jḏiḏ ḏeg umcan n ṯnayen n ccuƹub nni. Amenni igga ȓehna.

Ayṯ-Ufasus 2:17

Aqa yusa-d Ƹisa itbeccar netta s Lʼinjil yuwi-awem-d ȓehna i kenniw tuɣa iǧan ṯbeƹƹḏem x Arebbi u ḏ yinni iy d yuḏsen ɣar Arebbi.

Ayṯ-Ufasus 3:15

Zzayes netta iy d tekken isemawen n lʼaṣel n marra ȓeḥbab n ujenna ḏ ṯmurṯ.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Kulus 1:20

Ṯumma isemṣȓaḥ Arebbi qaƹ ṯimesȓayin i yixef nnes ig iǧan ḏi ṯmurṯ niɣ ḏeg ujenna iƹni igga ȓehna s iḏammen n Mmis iy yuzzȓen x ṣṣalib.

Ayṯ-Kulus 2:20

Kenniw meȓa ṯemmuṯem ak Lmasiḥ i lqawanin nni iqḏimen n ddunect-a, mayemmi ḏas teggem array i lqanun nni axmi ƹaḏ tƹicem zzayes ḏi ddunect-a?

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Ayṯ-Kulus 3:15

Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

Iƹibraniyen 7:2

Yuca-as Brahim i Malikiṣadiq ȓaƹcur, ƹecra ḏi miyya zi marra. Ḏ amezwaru ȓmaƹna n yisem-a n Malikiṣadiq ixes aḏ yini U ƹaweḏ netta ḏ Lmalik n ṯendint n Salim iƹni ḏ azeǧiḏ n ȓehna.