Ayṯ-Ufasus 2:12 - Ṯarifiṯ 2020

¹² Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.

Ayṯ-Ufasus 2:12 ပူးပေါင်းရင်းမြစ်များ

Luqa 1:72

Aḏ d ismeḍhar arraḥmeṯ nnes iy zi iwƹeḏ ȓejḏuḏ nneɣ, aḏ iƹqeȓ x ȓƹaheḏ nnes iqeddsen.

Yuḥanna 10:16

Ɣari iḥuȓiyen nneɣni war ǧin ca ḏi ȓkuri-ya, itxeṣṣa-ayi aṯen d awiɣ. Aḏ sȓen i ṣṣut inu aḏ tiȓi ḏ ijjen n ṯḥimerṯ ḏ ijjen iy ṯen ɣa yarewsen.

Yuḥanna 15:5

Nec ḏ ṯzayarṯ uḍiȓ, kenniw ḏ ikeccuḍen. Wenni itɣiman ḏayi u nec tɣimiɣ ḏayes, ataf netta aḏ yarew izekkunen n uḍiȓ aṭṭas ȓaḥeqqac kenniw bȓa zzayi war ṯzemmarem aḏ teggem walu.

Yuḥanna 4:22

Kenniw ṯƹebbḏem wenni war ṯessinem ca, neccin nƹebbeḏ wenni iy nessen minzi asenjem ikka-d zeg israʼiliyen.

Ȓexḏayem 2:39

Liʼanna yuca-awem ȓƹaheḏ i kenniw ḏ ṯarwa nwem ḏ marra yinni iggwjen, iƹni i marra yinni iy xef d ɣa iȓaɣa Siḏi Arebbi."

Ȓexḏayem 28:20

Iḏen x manaya ttareɣ-kenniw akenniw ẓreɣ akiḏwem ssiwȓeɣ. Aqa ƹlaḥsab lʼamal n Ayṯ-Israʼil iy twaceddeɣ s ssensȓeṯ-a."

Ȓexḏayem 3:25

Kenniw ḏ ddurriṯ n lʼanbiya. Kenniw ḏ ṯarwa n ȓƹaheḏ nni ig igga Arebbi ak ȓejḏuḏ nwem. Inna-as Arebbi i Brahim: Zi ddurriṯ nnec iy zi ɣa barkeɣ marra ȓegnus n ṯmurṯ-a.

Ayṯ-Ruma 9:8

Manaya ixes aḏ yini ṯarwa n Arebbi ḏ ṣṣaḥ twaḥessben zi ṯarwa n ȓƹaheḏ, maci zi ṯarwa n bnaḏem.

Ayṯ-Galaṭya 4:8

Ḏi ȓweqṯ nni iƹḏun tuɣa war ṯessinem ca Arebbi, ḥekkmen xawem lʼaṣnam zaƹma, ḏi ṭṭabiƹa nsen niṯni maci ḏ arebbiṯen n ṣṣaḥ.

Ayṯ-Ufasus 2:19

Iḏen, ȓexxu kenniw war ṯeqqimem ca ḏ ibarraniyen niɣ ḏ imezḏaɣ. Lla, ȓexxu kenniw ḏ imƹacaren ak ṣṣaliḥin iƹni yuca-awem Arebbi ljinsiya akiḏsen ṯḏewȓem ḏ ȓeḥbab n ṯeddarṯ n Arebbi.

Ayṯ-Ufasus 4:18

Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.

Ayṯ-Kulus 1:21

Kenniw tuɣa qbeȓ tiggwjem x Arebbi tmenɣam akiḏes s ȓaƹquȓaṯ nwem teggem ṯimesȓayin ḏ ṯiƹeffanin.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.

1 Ayṯ-Salunik 4:13

Fa ay ayṯma, war nexs ca aḏ tqefȓem i yixef nwem ƹlaḥsab yinni iṭṭṣen ḏeg imeḍȓan bac war txeyyiqem ca am yinni nneɣni war ḏi iǧi bu lʼamal.

1 Ayṯ-Salunik 4:5

Maci aḏ tƹicem ḏi ccehweṯ n ddat nwem mammec teggen ȓegnus war issinen ca Arebbi.

2 Ayṯ-Salunik 2:16

Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.

1 Timutawus 1:1

Nec ḏ Bulus ḏ arrasul n Ƹisa Lmasiḥ s lʼamar n Arebbi wenni iy ḏaneɣ isenajmen ḏ Ƹisa Lmasiḥ netta ḏ lʼamal nneɣ.

Iƹibraniyen 11:34

sexsin aḥaḏuq n ṯmessi, feȓṯen zi ȓeqḍeƹ n ssif. Ḍḍuƹef nsen iḏweȓ ḏ jjheḏ, jehḏen ḏi ȓḥarb uzzȓen x ȓƹaskar n ṯmura nneɣni.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

Iƹibraniyen 8:6

Walakin ccɣeȓ nni n ȓefqi iy ḏas yuca i Ƹisa imɣar aṭṭas x ccɣeȓ nni aqḏim n ȓfuqaha nneɣni. U ȓƹaheḏ-a iy xef itcafaƹ netta imɣar aṭṭas x wenni aqḏim, liʼanna ibedd x yijjen n dsas n lwuƹud iy iǧan ḥsen.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.

1 Buṭrus 3:15

Lla, semɣareṯ Lmasiḥ ḏeg wuȓawen nwem arrem-ṯ ḏ Siḏiṯwem. Iȓiṯ ȓebda ṯwejḏem bac aḏ tdafƹem x yixef nwem aḏ tjawbem wenni irezzun x ssabab n lʼamal iy ḏaywem. Walakin jawbem-ṯ s yijjen n ttawaḍuƹ ḏ lʼiḥtiram

1 Yuḥanna 3:3

U marra wenni ɣar iǧa l'amal-a aḏ issiṣfa ixef nnes am mammec iǧa netta iṣfa.