Ayṯ-Ufasus 2:11 - Ṯarifiṯ 2020

¹¹ Iwa ƹeqȓeṯ belli kenniw tuɣa ṯeǧam zeg yinni itwasemman ḏ lkuffar zaƹma, war ṯeggim ca ṭṭahareṯ. Amenni iy qqaren yinni iteggen ṭṭahareṯ (iƹni ɣir min teggen ḏi ddat s ifassen n bnaḏem waha).

Ayṯ-Ufasus 2:11 ပူးပေါင်းရင်းမြစ်များ

Matta 20:7

Nnan-as: Walu, war ḏaneɣ isexḏem ḥadd. Inna-asen: Ruḥem uȓa ḏ kenniw ɣar umarjeƹ inu.

Ayṯ-Ruma 11:17

Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

Ayṯ-Ruma 2:26

Innama, meȓa ḏinni can yijjen war iggi ca ṭṭahareṯ, netta ixeddem s min ḏayes ḏi ccariƹa n Musa, ataf wanita itwaḥsab axmi igga ṭṭahareṯ.

Ayṯ-Ruma 2:27

Iƹni wenni ixeddmen s min ḏayes ḏi ccariƹa n Musa, waxxa war iggi ca ṭṭahareṯ ḏi ddat, axac iḥkem cek iy ɣar iǧa Lkitab nni ḏ ṭṭahareṯ. Mayemmi? Liʼanna cek ṯƹeṣṣiḏ ccariƹa.

1 Ayṯ-Kurinṯ 12:2

Qa ṯessnem belli wami tuɣa kenniw ḏ lkuffar twasufɣem zeg ubriḏ ɣar lʼaṣnam izeynunen.

1 Ayṯ-Kurinṯ 6:11

Ammu iy tuɣa teggen ȓebƹaḍ zzaywem, walakin ȓexxu twasirḏem, twassiṣfam, twasemṣȓaḥem ak Arebbi s yisem n Siḏiṯneɣ Ƹisa Lmasiḥ u s Arruḥ n Arebbi nneɣ.

Ayṯ-Galaṭya 2:15

Neccin ḏ israʼiliyen zeg wami d nexȓeq, neccin war neǧi ca zi ȓegnus iƹeṣṣan zaƹma.

Ayṯ-Galaṭya 6:12

Yinni irezzun aḏ ftaxaren zi ddat, iƹni min war iǧin ca zi Arruḥ iqeddsen, niṯni tbessaȓen xawem bac aḏ teggem ṭṭahareṯ n Musa. Mayemmi? Ɣir rezzun niṯni war tƹeddiben ca x ssabab n ṣṣalib n Lmasiḥ.

Ayṯ-Ufasus 2:2

Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Ayṯ-Ufasus 5:8

Cuf, ḏeg yijjen n ȓweqṯ kenniw tuɣa ḏ ṯaǧest, ȓexxu kenniw ṯḏewȓem ḏ ijjen n nnur ḏi Siḏi Arebbi. Iwa ƹiceṯ am ṯarwa n nnur.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

Ayṯ-Kulus 1:21

Kenniw tuɣa qbeȓ tiggwjem x Arebbi tmenɣam akiḏes s ȓaƹquȓaṯ nwem teggem ṯimesȓayin ḏ ṯiƹeffanin.

Ayṯ-Kulus 2:11

Dayes ḏi netta ƹaweḏ iy ḏi ṯṭehharem walakin maci ḏ ijjen n ṭṭahareṯ iy ggin s ifassen n bnaḏem; Lla, ṯṭehharem ṭṭabiƹa nwem ṯaƹeffant qaƹ s yijjen n ṭṭahareṯ iggi-t Lmasiḥ.

Ayṯ-Kulus 2:13

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.