Ayṯ-Ufasus 1:7 - Ṯarifiṯ 2020

⁷ Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Ufasus 1:7 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 26:28

Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Matta 6:12

Ɣfar-aneɣ ȓmuƹṣiyaṯ nneɣ i neccin, mammec nsemmeḥ i yinni iy kiḏneɣ ixeṭṭan.

Marqus 14:24

Inna-asen: "Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan.

Luqa 1:77

Ƹaweḏ aḏ tesȓemḏeḏ i ccaƹb nnes x usenjem, iƹni mamc iy ɣa twaɣfarent ȓmuƹṣiyaṯ nsen.

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

Yuḥanna 20:23

Wenni umi ṯsemḥem i ddnub nnes, aḏas twasemḥent. Wenni umi war ṯesmiḥem ca, war ḏas twasmiḥent ca."

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

Ayṯ-Ruma 3:24

Arebbi, netta isemṣȓaḥ-iṯen akiḏes s arḍa nnes baṭeȓ s usenjem iy d yusin s Ƹisa Lmasiḥ.

Ayṯ-Ruma 3:25

Arebbi iqeddem-iṯ ḏ lfidya ḥima aḏ twaɣfarent ȓmuƹṣiyaṯ s iḏammen nnes, iƹni i yinni iqebbȓen manayenni s lʼiman nsen. S manayenni ismeḍhar-d Arebbi ȓḥaqq nnes. Netta tuɣa iṣebbar, war t yuwi ca ḏi ȓmuƹṣiyaṯ nni iy iƹḏun,

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

Ayṯ-Ufasus 1:14

Arruḥ-a netta ḏ ijjen n ȓƹarbun iḍemmen lwareṯ nneɣ aȓ ɣa ṯ neṭṭef ṯumma a neḥmeḏ Arebbi x lƹaḍama nnes.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 1:6

Aḏ itwabarek arḍa nnes imɣaren, ifareɣ-iṯ-iḏ xaneɣ Arebbi s Mmis iƹizzen.

Ayṯ-Ufasus 1:8

Arḍa-ya ifareɣ-aneɣ-ṯ-iḏ Siḏi Arebbi s marra ȓefhameṯ ḏ ṯusna nnes.

Ayṯ-Ufasus 2:4

Walakin Arebbi s ȓemḥibbeṯ nnes iy igga i neccin ḏ arraḥmeṯ nnes ṯameqqrant aṭṭas, min ḏaneɣ igga netta?

Ayṯ-Ufasus 2:7

Mayemmi? Ḥima Siḏi Arebbi ḏi zmanaṯ iy d ɣa yasen aḏ d ismeḍhar agȓa nnes iƹni arḍa nnes mecḥaȓ ig iǧa ḏ ameqqran bȓa ȓeqyas iy ḏaneɣ d isbeyyen ḏi Ƹisa Lmasiḥ.

Ayṯ-Ufasus 3:16

Tettareɣ i Arebbi zeg wagȓa nnes aƹḍim akenniw isejheḏ ḏi nnefs nwem s ufus n Arruḥ nnes

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Filippas 4:19

Aqa Arebbi inu aḏawem yuc qaƹ min ṯeḥḏajem ƹlaḥsab agȓa nnes lƹaḍim ḏi Ƹisa Lmasiḥ.

Ayṯ-Kulus 1:14

Zzayes netta isenjem-aneɣ iƹni iɣfar-aneɣ ȓmuƹṣiyaṯ nneɣ.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 2:13

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

1 Timutawus 2:6

Netta iṣeddeq ṯuḏarṯ nnes ḏ ijjen n lfidya bac azzayes isenjem marra iwḏan, manaya aḏ itwacheḏ ḏi ȓweqṯ nnes.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Titus 3:6

Arruḥ-a ifareɣ-iṯ-iḏ xaneɣ Arebbi s yijjen n ȓxir imɣar s ufus n Ƹisa Lmasiḥ wenni iy ḏaneɣ isnejmen.

Iƹibraniyen 9:22

U ḏ ṣṣaḥ ƹlaḥsab Ccariƹa n Musa ƹȓayen marra ṯimesȓayin aḏ twassiṣfant s iḏammen. U bȓa ma aḏ azzȓen iḏammen ataf ȓmuƹṣiyaṯ war twaɣfirent ca.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

1 Yuḥanna 2:12

A iḥenjiren, nec uriɣ-awem-d ȓaḥeqqac ȓmuƹṣiyaṯ nwem twaɣfarent-awem s yisem nnes.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

1 Yuḥanna 4:10

S manayenni minzi ḏas qqaren ȓemḥibbeṯ. Maci ḏ neccin iy ixsen Arebbi, ḏ netta iy ḏaneɣ ixsen wami d issekk Mmis aḏ yiȓi ḏ lfidya x ȓmuƹṣiyaṯ nneɣ.

Lwaḥi 14:4

Yina ḏ yinni war iẓrin ƹemmarṣ ṯimɣarin qqimen ḏ iƹzriyen. Yina ḏ yinni iḏeffaren Izmar mani ma iruḥ. Twasnejmen niṯni zi ȓwesṭ n yiwḏan ḥima aḏ twaqeddmen ḏ imezwura i Arebbi ḏ Yizmar.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.