Ayṯ-Ufasus 1:11 - Ṯarifiṯ 2020

¹¹ Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.

Ayṯ-Ufasus 1:11 ပူးပေါင်းရင်းမြစ်များ

Ȓexḏayem 13:48

Yinni war iǧin ca zi Ayṯ-Israʼil wami sȓin min inna Bulus, farḥen ḥemmḏen i wawaȓ n Siḏi Arebbi. Umnen marra yinni ixḍar Arebbi i ṯuḏarṯ n ȓebda.

Ȓexḏayem 2:23

Y kenniw min ḏas ṯeggim? Wami itwasellem ƹlaḥsab mammec ixes Arebbi ḏ mammec tuɣa issen netta, kenniw tṣellbem-ṯ ṯenɣim-ṯ s ifassen n lkuffar.

Ȓexḏayem 20:27

Liʼanna nec war zzaywem snuffareɣ walu zi marra min inewwa Arebbi aṯ igg.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 4:28

Ggin qaƹ min tuɣa ṯzemmmeḏ aḏ iwqeƹ s ufus ḏ ȓxaḍar nnec.

Ayṯ-Ruma 11:34

Wig issnen ȓaƹqeȓ n Siḏi Arebbi, niɣ wi kis imcawaren?

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

Ayṯ-Ruma 8:30

Ṯumma yinni iy tuɣa izemmem zi qbeȓ, iȓaɣa-d xasen. Ṯumma yinni umi d iȓaɣa, isemṣȓaḥ-iṯen akiḏes. Ṯumma yinni isemṣȓaḥ akiḏes, yuca-asen amcan ḏi lƹaḍama nnes.

Ayṯ-Ruma 9:11

Ṯumma ikkar Arebbi inna-as i Rafiqa qa ameqqran aḏ yiȓi ḏ axeddam ɣar umezyan. Iȓaɣa-yas-d Arebbi i netta waha, niṯni war ggin walu. Tuɣa ƹaḏ war d xȓiqen ca ƹaḏ war ggin ȓxir war ggin ccarr, walakin Siḏi Arebbi ixḍar ijjen zzaysen ismeḍhar-d ȓxaḍar nnes iy ɣa yiȓin.

Ayṯ-Galaṭya 3:18

Cuf, lwareṯ maƹlik iticc-iṯ Arebbi ak Ccariƹa n Musa, ataf war ṯ iticc ca ak ȓƹaheḏ nnes i Brahim. Walakin lla, lwareṯ nni iwƹed-iṯ Arebbi i Brahim s yijjen n ȓƹaheḏ.

Ayṯ-Ufasus 1:14

Arruḥ-a netta ḏ ijjen n ȓƹarbun iḍemmen lwareṯ nneɣ aȓ ɣa ṯ neṭṭef ṯumma a neḥmeḏ Arebbi x lƹaḍama nnes.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 1:5

S ȓemḥibbeṯ nnes izemmem-aneɣ bac aḏaneɣ itbenna am ṯarwa nnes s Ƹisa Lmasiḥ ƹlaḥsab lɣaraḍ n ȓxaḍar nnes.

Ayṯ-Ufasus 1:8

Arḍa-ya ifareɣ-aneɣ-ṯ-iḏ Siḏi Arebbi s marra ȓefhameṯ ḏ ṯusna nnes.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Ayṯ-Ufasus 3:11

Manaya iǧa ƹlaḥsab lɣaraḍ n Arebbi zi ȓebda, u lɣaraḍ-a ikemmeȓ-iṯ s Ƹisa Lmasiḥ Siḏiṯneɣ.

Ayṯ-Kulus 1:12

bac aḏ tcekkarem Babaṯneɣ wenni iy ḏawem yucin ȓḥaqq aḏ tcarcem ḏi lwareṯ n ṣṣaliḥin ḏi nnur.

Ayṯ-Kulus 3:24

Kenniw ṯessnem ljaʼiza nwem aḏ tiȓi ḏ ijjen n lwareṯ zi Siḏiṯneɣ. Netta umi ṯxeddmem netta ḏ Siḏiṯneɣ Lmasiḥ.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Titus 3:7

Ḥima a nwareṯ zzayes, aɣarneɣ yiȓi ijjen n lʼamal n ṯuḏarṯ ṯenni war ifennin ca liʼanna nmeṣȓaḥ ak Arebbi s arḍa nnes.

Iƹibraniyen 6:17

X manaya iḍmen Arebbi manayenni s yijjen n ṯjaǧiṯ i yinni iy ɣa iwarṯen min zi ṯen iwƹeḏ. Iƹni ixes aḏasen d iseḍhar mliḥ ṭṭabiƹa n lɣaraḍ nnes ƹemmarṣ aḏ twabeddeȓ.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

1 Buṭrus 1:4

Ḥima a nwareṯ ijjen n wagȓa ƹemmarṣ aḏ ifna ƹemmarṣ aḏ ixsar ƹemmarṣ aḏ ikcef wenni iy ḏawem itwaxemmȓen ḏeg ujenna.

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.