Ayṯ-Ruma 9:32 - Ṯarifiṯ 2020

³² Mayemmi? Liʼanna tuɣa rezzun ṣṣulḥ nni s ȓexḏayem nsen waha bȓa ma aḏ amnen. Nqeȓḍen ḏeg uzru nni iy ḏi tneqȓaḍen yiwḏan.

Ayṯ-Ruma 9:32 ပူးပေါင်းရင်းမြစ်များ

Matta 13:57

X manayenni war ṯ qbiȓen ca. Ikkar Ƹisa inna-asen: "Nnabi meḥtarem mani ma, walakin ḏeg ubilaj nnes ḏ ṯeddarṯ nnes lla!"

Luqa 2:34

Ibarek-iṯen Cimƹun inna-yas i yemmas Maryam: "Aqa wanita iggi-ṯ Siḏi Arebbi aḏ d isehwa aḏ isiȓi aṭṭas n yiwḏan ḏi Ayṯ-Israʼil. Netta ḏ ijjen n lƹalama ataf war t txisen ca,

Luqa 7:23

Ssaƹḏ n yinni war ḏayi itcekkin ca."

Ayṯ-Ruma 10:3

Wami war ssinen ca mammec igga Arebbi isemṣȓaḥ akiḏes bnaḏem, kkaren niṯni ḏfaren abriḏ nsen nniṯ war qbiȓen ca abriḏ n Arebbi.

Ayṯ-Ruma 11:11

Iwa tseqsiɣ, Ayṯ-Israʼil ma ṣafi nqeȓḍen wḍan? Lla, ƹemmarṣ! Lƹaks, s ȓmuƹṣiyeṯ-a n Ayṯ-Israʼil isenjem Arebbi yinni war iǧin ca zi Ayṯ-Israʼil bac aḏ tekkar lɣira ḏi Ayṯ-Israʼil.

Ayṯ-Ruma 4:16

S manayenni ȓƹaheḏ-a ibna x lʼiman waḥḏes: Ḥima ȓƹaheḏ-a aḏ d yas zi arḍa nnes, ḥima aṯ iḍmen Arebbi i marra ddurriṯ n Brahim. U maci ɣir wenni iḏeffaren ccariƹa n Musa; Lla, uȓa ḏ wenni icarrcen ḏi lʼiman n Brahim. Netta ḏ jeddiṯneɣ marra.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Buṭrus 2:6

Qa manaya ig iqqar Lkitab:

1 Buṭrus 2:8

U ƹaweḏ iqqar: Qa tenqȓaḍen ḏayes minzi ƹeṣṣan awaȓ nnes, amenni iy xasen yura.