Ayṯ-Ruma 9:30 - Ṯarifiṯ 2020

³⁰ Iwa, min ɣa nini? Yinni war iǧin ca zi Ayṯ-Israʼil tuɣa war rezzun ca ṣṣulḥ ak Arebbi, walakin ufin-ṯ wami umnen.

Ayṯ-Ruma 9:30 ပူးပေါင်းရင်းမြစ်များ

Ayṯ-Ruma 10:10

Liʼanna s wuȓ nnec cek tamneḏ, ac isemṣȓaḥ Arebbi akiḏes. U s uqemmum nnec cek ṯcehhḏeḏ, cek ṯnejmeḏ.

Ayṯ-Ruma 10:20

Menbaƹd izƹem nnabi Icaƹya inna:

Ayṯ-Ruma 10:6

Walakin min iqqar Lkitab x wenni irezzun aḏ imeṣȓaḥ ak Arebbi azzayes yamen? Iqqar: War qqar ca ḏeg wuȓ nnec: Min iƹna wi ɣa igaƹƹḏen ɣar ujenna (iƹni bac aḏ d isehwa Lmasiḥ)?

Ayṯ-Ruma 3:5

Fa meȓa ȓbaṭeȓ nneɣ iy ntegg ismeḍhar-d ȓḥaqq n Arebbi, min ɣa nini? (Nec ssawaȓeɣ ƹlaḥsab lfikra n bnaḏem.) Arebbi, ma iḍeǧem-aneɣ xmi ḏaneɣ itƹaqab?

Ayṯ-Ruma 4:11

Ṯumma ṭṭahareṯ-a ṯusa-as-d ḏ ijjen n lƹalama ḏ ijjen n ddalil belli Arebbi isemṣȓaḥ-iṯ akiḏes s lʼiman nni iy tuɣa ḏayes qbeȓ ma aḏ iṭehhar. Mayemmi manaya? Bac aḏ yiȓi Brahim ḏ jeddiṯsen n yinni marra itamnen waxxa war ggin ca ṭṭahareṯ, bac uȓa ḏ yinni aṯen isemṣȓaḥ Arebbi akiḏes.

Ayṯ-Ruma 4:13

Ȓƹaheḏ iy zi iwƹeḏ Arebbi Brahim ḏ ddurriṯ nnes ḥima aḏ iwareṯ netta ddunect. Ȓƹaheḏ nni war d yusi ca s ccariƹa, yusa-d s lʼiman nni ig isemṣȓaḥen iwḏan ak Arebbi.

Ayṯ-Ruma 4:22

S manaya isemṣȓaḥ-iṯ Arebbi akiḏes.

Ayṯ-Ruma 4:9

U ssaƹḏ-a, ma n yinni waḥeḏsen ig iteggen ṭṭahareṯ niɣ uȓa ḏ yinni war iteggen ca ṭṭahareṯ? Cuf, neccin neqqar: "Arebbi isemṣȓaḥ Brahim akiḏes s lʼiman nnes."

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ruma 9:14

Min ɣa nini x manaya? Ma Arebbi iḍeǧem? Lla, ƹemmarṣ!

Ayṯ-Ruma 9:31

Ayṯ-Israʼil wami rezzun ijjen n ccariƹa iticcen ṣṣulḥ ak Arebbi, war ufin ca ccariƹa nni.

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 3:24

S manayenni Ccariƹa n Musa tuɣa trebba-yaneɣ ḥetta aȓ wami d yusa Lmasiḥ u ssenni iy ɣa nmeṣȓaḥ ak Arebbi s lʼiman.

Ayṯ-Galaṭya 3:8

Zi qbeȓ ixbar-d Arebbi ḏi Lkitab aḏ ismeṣȓaḥ akiḏes s lʼiman yinni war iǧin ca zi Ayṯ-Israʼil. Ƹlaḥsab manayenni ibeccar zi qbeȓ Brahim s Lʼinjil inna-as qa aḏ twabarken marra ȓegnus x ssabab nnec.

Ayṯ-Galaṭya 5:5

Qa neccin lla, netraja Arebbi aḏaneɣ isemṣȓaḥ akiḏes s lʼiman, u lʼamal-a nneɣ netta s jjheḏ n Arruḥ iqeddsen.

Ayṯ-Ufasus 2:12

Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.

Ayṯ-Filippas 3:9

Ḥima aḏayi afen ḏayes bȓa ca n ṣṣulḥ ak Arebbi iy d itasen zzayi nec waha ƹlaḥsab ccariƹa. Lla, ṣṣulḥ nni inu ak Arebbi itas-d s lʼiman inu zi Lmasiḥ, iƹni ṣṣulḥ nni itas-d zi Arebbi itas-d s lʼiman.

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

Iƹibraniyen 11:7

S lʼiman nnabi Nuḥ wami ḏas iƹȓem Arebbi x ṯmesȓayin nni war ṯent ẓrin yiwḏan ƹemmarṣ, ikkar netta s yijjen n ṯiggwḏi ḏ yijjen n ȓeḥya igga aɣarrabu bac aḏ isenjem ayṯbab n ṯeddarṯ nnes. Wami igga manayenni netta iƹeyyeb ddunect, iwareṯ ṣṣulḥ nni iy d itasen s lʼiman.

1 Buṭrus 4:3

Iwa ṣafi, ṯejjiwnem zi min tuɣa tƹicem ƹlaḥsab min rezzun aḏ ggen lkuffar iƹni ȓeqbaḥeṯ ḏ ccehawaṯ ṯiƹeffanin ḏ waṭṭas n ccreb ḏ lfasad ḏ zzhu ḏ lƹibada n lʼaṣnam iƹiffen.