Ayṯ-Ruma 9:11 - Ṯarifiṯ 2020

^11-12 Ṯumma ikkar Arebbi inna-as i Rafiqa qa ameqqran aḏ yiȓi ḏ axeddam ɣar umezyan. Iȓaɣa-yas-d Arebbi i netta waha, niṯni war ggin walu. Tuɣa ƹaḏ war d xȓiqen ca ƹaḏ war ggin ȓxir war ggin ccarr, walakin Siḏi Arebbi ixḍar ijjen zzaysen ismeḍhar-d ȓxaḍar nnes iy ɣa yiȓin.

Ayṯ-Ruma 9:11 ပူးပေါင်းရင်းမြစ်များ

Ayṯ-Ruma 4:17

Mammec iqqar Lkitab: Ḏinni Brahim zzaṯ i Arebbi iy zi itamen, iƹni wenni d isnekkaren yinni immuṯen, iƹni wenni d ixeȓqen min ƹemmarṣ war iǧin.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

Ayṯ-Ufasus 2:9

Manaya maci ƹlaḥsab lḥasanaṯ nwem lla, bac uȓa ḏ ijjen war iteftaxar ca zeg yixef nnes.

Ayṯ-Ufasus 3:11

Manaya iǧa ƹlaḥsab lɣaraḍ n Arebbi zi ȓebda, u lɣaraḍ-a ikemmeȓ-iṯ s Ƹisa Lmasiḥ Siḏiṯneɣ.

1 Ayṯ-Salunik 1:4

Ay ayṯmaṯneɣ yinni iƹizzen x Arebbi, nessen qa netta ixḍar-ikenniw.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Titus 3:5

ȓexddenni isenjem-aneɣ maci ƹlaḥsab lḥasanaṯ nni iy negga; Lla, tuɣa ƹlaḥsab arraḥmeṯ nnes netta. Issireḏ-aneɣ s waman n uxȓaq ḏ jḏiḏ, yarra-aneɣ ḏ jḏiḏ s ufus n Arruḥ iqeddsen.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

2 Buṭrus 1:10

Iḏen ay ayṯma, ggeṯ lmejhud nwem ktar ƹaḏ bac aḏ tḍemnem aȓaɣi nnes ɣarwem belli netta ixḍar-ikenniw. Meȓa ṯeggim ṯimesȓayin-a, ataf ƹemmarṣ aḏ d tewḍam.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."