Ayṯ-Ruma 8:4 - Ṯarifiṯ 2020

⁴ bac aḏ itwakemmeȓ min ṯxes zzayneɣ ccariƹa n Musa. Neccin, iƹni ḏ yinni ig igguren ḏeg ubriḏ n Arruḥ, war ntegg array i nnefs nneɣ.

Ayṯ-Ruma 8:4 ပူးပေါင်းရင်းမြစ်များ

Luqa 1:6

Zakariya ḏ Ilizabet niṯni gguren nican ak Arebbi, uȓ nsen ḏ acemȓaȓ. Teggen marra min yumar ḏ marra min iweṣṣa Siḏi Arebbi.

Ayṯ-Ruma 2:26

Innama, meȓa ḏinni can yijjen war iggi ca ṭṭahareṯ, netta ixeddem s min ḏayes ḏi ccariƹa n Musa, ataf wanita itwaḥsab axmi igga ṭṭahareṯ.

Ayṯ-Ruma 3:31

Iḏen, ma a nesbeṭṭeȓ ccariƹa s lʼiman-a? Ƹemmarṣ! Lla, neccin netḥama ccariƹa.

2 Ayṯ-Kurinṯ 10:2

Tettareɣ-kenniw bac war ḏayi tijjim ca aḏ iȓiɣ qesḥeɣ ak ȓebƹaḏ zzaywem am trajiɣ nec aḏ ggeɣ, ȓebƹaḍ-a tfekkaren qa netƹic s array n bnaḏem waha.

2 Ayṯ-Kurinṯ 10:3

Ḏ ṣṣaḥ netƹic am bnaḏem, walakin war netḥarib ca am bnaḏem.

Ayṯ-Galaṭya 5:16

Fa nniɣ-awem, tƹiceṯ ƹlaḥsab ȓxaḍar n Arruḥ iqeddsen ṯumma war tseƹƹifem ca ccehawaṯ n ṭṭabiƹa ṯaƹeffant nwem.

Ayṯ-Kulus 1:22

Walakin ȓexxu lla, Arebbi isemṣȓaḥ-ikenniw akiḏes s ddat n Lmasiḥ iƹni s ȓmewṯ nnes bac akenniw iqeddem zzaṯes ṯeṣfam bȓa ȓƹib war ḏinni bu wi kenniw iy ɣa itahamen.

Iƹibraniyen 12:23

Ṯqarrbem-d ɣar yinni itmunen ḏi ȓefraḥeṯ iƹni ɣar jmaƹeṯ n yinni ixḍar Arebbi iy d ixeȓqen ḏ imezwura isemawen nsen twazemmen ḏeg ujenna. Ṯqarrbem-d ɣar Arebbi wenni iǧan ḏ ȓqaḍi x marra iwḏan. Ṯqarrbem-d ɣar arruḥaṯ n ṣṣaliḥin yarri-ṯen Arebbi bȓa ȓƹib.

1 Yuḥanna 3:2

Ay imƹizzen inu, ȓexxu neccin ḏ ṯarwa n Arebbi. Ƹaḏ war d tmeḍhar ca ṣṣifeṯ nneɣ mamc ɣa ṯiȓi, walakin nessen aḏ tiȓi am netta xmi d ɣa imeḍhar ȓaḥeqqac aṯ nẓer netta mamc iy iǧa.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,

Lwaḥi 14:5

Ƹemmarṣ war sxerriqen, niṯni aqaṯen bȓa ȓƹib.