Ayṯ-Ruma 8:38 - Ṯarifiṯ 2020

^38-39 Aqa nec metʼakked belli uȓa ḏ ijjen n ṯmesȓayṯ zi min d itwaxeȓqen war ṯzemmar aḏaneɣ ṯeƹzeȓ zi ȓemḥibbeṯ n Arebbi iy d imeḍharen ḏi Siḏiṯneɣ Ƹisa Lmasiḥ: ȓa ḏ ȓmewṯ, ȓa ḏ ṯuḏarṯ, ȓa ḏ lmalaʼikaṯ, ȓa ḏ ccayaṭin, ȓa ḏ jnun, ȓa ḏ min iǧan ȓexxu, ȓa ḏ min d ɣa yasen, ȓa ḏ min yuƹȓan, ȓa ḏ min yuǧɣen, uȓa ḏ ca n ȓḥajeṯ nneɣni.

Ayṯ-Ruma 8:38 ပူးပေါင်းရင်းမြစ်များ

Yuḥanna 10:28

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Ayṯ-Ruma 14:7

Cuf, war ḏayneɣ ḥadd iddar i yixef nnes, war ḏayneɣ ḥadd itmetta i yixef nnes.

Ayṯ-Ruma 14:8

Neccin meȓa neddar, a neddar i Siḏi Arebbi. Meȓa nemmuṯ, a nemmeṯ i Siḏi Arebbi. Falihaḏa, meȓa neddar niɣ nemmuṯ neccin n Siḏi Arebbi.

Ayṯ-Ruma 4:21

netta aqaṯ metʼakked aṭṭas Arebbi izemmar aḏ ikemmeȓ x ȓƹaheḏ nnes.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

1 Ayṯ-Kurinṯ 15:24

Ṯumma aḏ yiȓi ȓefna n ddunect-a. Lmasiḥ aḏ iqḍa x marra ȓeḥkam ḏ ȓmexzen ḏ jjheḏ ig iǧan, ṯumma aḏ ijj ȓeḥkam nni nnes i Arebbi Babas.

2 Ayṯ-Kurinṯ 11:14

Iwa war nesteɣȓib ca liʼanna Cciṭan netta s yixef nnes isneƹmiȓ ḏ ijjen n lmalaʼika n nnur.

2 Ayṯ-Kurinṯ 4:13

Iqqar yijjen ḏi Lkitab: "Umneɣ, s manaya ssiwȓeɣ." Nnefs lʼiman-a iǧan ḏayneɣ, zzayes iy ntamen zzayes iy nessawaȓ.

Ayṯ-Ufasus 1:21

Isuƹȓa-ṯ Arebbi aṭṭas x marra ȓeḥkam ḏ ȓmexzen ḏ jjheḏ ḏ lmemlaka. Isuƹȓa-ṯ netta ƹaweḏ x kuȓ isem iy teggen ḏ isemawen, maci ɣir ḏi zman-a iy ḏi neǧa waha walakin ƹaweḏ ḏi lʼaxira.

Ayṯ-Kulus 1:16

Zzayes netta iy zi d twaxeȓqent qaƹ ṯimesȓayin ig iǧan ḏeg ujenna niɣ ḏi ṯmurṯ. Waxxa tbanent-id niɣ war d tbinent ca. Niɣ ḏ lƹarcaṯ niɣ ḏ lmemlakaṯ niɣ ḏ yinni iḥekkmen niɣ ḏ yinni ijehḏen. Qaƹ ṯimesȓayin-a zzayes iy d twaxeȓqent, twaxeȓqent-as-d i netta.

Ayṯ-Kulus 2:15

Arebbi ikkes ṯizemmar nni n yinni iḥekkmen ḏ yinni ijehḏen yarri-ṯen axasen furrjen iwḏan ifḍeḥ-iṯen irbeḥ-iṯen x ṣṣalib.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

1 Buṭrus 3:22

Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.