Ayṯ-Ruma 8:35 - Ṯarifiṯ 2020

³⁵ Wi ḏaneɣ ɣa iƹezȓen zi ȓemḥibbeṯ n Lmasiḥ? Uȓa ḏ ijjen! Ȓa ḏ azeyyar, ȓa ḏ tamara, ȓa ḏ aƹeddeb, ȓa ḏ buheyyuf, ȓa ḏ ṯuƹaryant, ȓa ḏ lxaṭar, uȓa ḏ ssif.

Ayṯ-Ruma 8:35 ပူးပေါင်းရင်းမြစ်များ

Yuḥanna 10:28

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Yuḥanna 13:1

Qbeȓ i Ȓƹiḏ Ameqqran, netta Ƹisa issen qa ȓweqṯ nnes ṯuweḍ-d aḏ imutti zi ddunect-a ɣar Babas. Netta iḥibb yinni iǧan akiḏes ḏi ddunect, iḥibb-iṯen aȓ uneggaru.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ayṯ-Ruma 2:9

Aḏ yiȓi uziyyar ḏ tamara x kuȓ bnaḏem iteggen ssayyiʼaṯ, x yinni zi Ayṯ-Israʼil ḏ imezwura ƹaḏ ḏ yinni war iǧin ca zi Ayṯ-Israʼil.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Ayṯ-Ruma 8:37

Walakin ḏi marra manaya neccin netwaḥsab ktar zi lʼabṭal x ufus n wenni iy ḏaneɣ ixsen.

1 Ayṯ-Kurinṯ 4:11

Qa ƹaḏ ḏi ṯsaƹƹat-a neǧuz, nfuḏ, aqaneɣ s ixarṭiṭen, tmarraṯen-aneɣ, war ɣarneɣ mani ɣa ndurra.

1 Ayṯ-Kurinṯ 4:12

Neccaṯ tamara, nxeddem s ifassen nneɣ. Meȓa niṯni tzebbaȓen ḏayneɣ, neccin netbarrak-iṯen. Meȓa niṯni tƹeddaben-aneɣ, neccin nṣebbar.

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

2 Ayṯ-Kurinṯ 4:8

Neccin netwazeyyar zi mkuȓ jjiheṯ, walakin war netwaḥesseȓ ca. War nessin ca mani ɣa narr s uzeǧif, walakin war ntefciȓ ca.

2 Ayṯ-Kurinṯ 4:9

Netwaƹeddab, walakin war neqqim ca waḥeḏneɣ. Netwaɣḍeȓ, walakin war nerriz ca.

Ayṯ-Ufasus 3:19

Aḏ tessnem ƹaweḏ mliḥ ȓemḥibbeṯ-a ṯanita n Lmasiḥ mecḥaȓ ṯemɣer x marra ṯusna ḏi ddunect-a bac aḏ teccarem s min iccur Arebbi.

2 Ayṯ-Salunik 2:16

Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.