Ayṯ-Ruma 8:33 - Ṯarifiṯ 2020

³³ Wi izemmaren aḏ itahem yinni iy ixḍar Arebbi? Uȓa ḏ ijjen! Arebbi s yixef nnes netta ig isemṣȓaḥen akiḏes iwḏan.

Ayṯ-Ruma 8:33 ပူးပေါင်းရင်းမြစ်များ

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Luqa 18:7

Arebbi, ma war ḏasen iticc ȓḥaqq i yiwḏan nnes iy ṯ itettaren ǧiȓeṯ ḏ nhar? Ma axasen iƹeṭṭaȓ war ḏasen istijib ca?

Ayṯ-Ruma 3:26

ḥima aḏ d ismeḍhar ḏi zman-a ȓḥaqq nnes. Liʼanna Arebbi netta nican ig iǧa, netta isemṣȓaḥ akiḏes wenni ɣa yamnen zi Ƹisa.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Ayṯ-Galaṭya 3:8

Zi qbeȓ ixbar-d Arebbi ḏi Lkitab aḏ ismeṣȓaḥ akiḏes s lʼiman yinni war iǧin ca zi Ayṯ-Israʼil. Ƹlaḥsab manayenni ibeccar zi qbeȓ Brahim s Lʼinjil inna-as qa aḏ twabarken marra ȓegnus x ssabab nnec.

1 Ayṯ-Salunik 1:4

Ay ayṯmaṯneɣ yinni iƹizzen x Arebbi, nessen qa netta ixḍar-ikenniw.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.