Ayṯ-Ruma 8:29 - Ṯarifiṯ 2020

²⁹ Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

Ayṯ-Ruma 8:29 ပူးပေါင်းရင်းမြစ်များ

Matta 12:50

Inna-as: "Wenni iteggen s min ixes Baba iy iǧan ḏeg ujenna, ataf netta ḏ uma ḏ učma ḏ yemma."

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 28:10

Ȓexddenni inna-asent Ƹisa: "War teggwḏent ca. Ruḥent siwḍent ȓexbar inint i ayṯma: Ruḥeṯ ɣar ṯmurṯ n Ljalil ḏinni iy ḏayi ɣa ṯeẓrem."

Matta 7:23

Ȓexddenni aḏasen iniɣ: Tuɣayi nec ƹemmarṣ war kenniw ssineɣ ca. Beƹƹḏeṯ xafi a yinni iteggen ccarr!

Yuḥanna 17:16

Niṯni war ǧin ca zi ddunect, amecnaw nec war ǧiɣ ca zi ddunect.

Yuḥanna 17:19

Nec ṣeffiɣ ixef inu x ssabab nsen ḥima aḏ twaṣeffan uȓa ḏ niṯni ƹaweḏ s lḥaqiqa.

Yuḥanna 17:26

Nec sbeyyneɣ-asen-d isem nnec u ƹaḏ aṯ sbeyyneɣ ḥima aḏaysen ṯiȓi ȓemḥibbeṯ nni iy zi ḏayi tḥibbiḏ, aḏaysen iȓiɣ nec s yixef inu."

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Ayṯ-Ruma 11:2

Arebbi war inkar ca ccaƹb nnes tuɣa issen-iṯen zi qbeȓ. Ma war ṯessinem ca kenniw min iqqar Lkitab x nnabi Ilyas? Wami iceṯca ɣar Arebbi zi Ayṯ-Israʼil inna-as:

Ayṯ-Ruma 13:14

Walakin, ggeṯ ȓeḥwayej n Siḏiṯneɣ Ƹisa Lmasiḥ. War rehham ca ak ṭṭabiƹa ṯaƹeffant nwem, war tseƹƹafeṯ ca ccehawaṯ nnes.

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

1 Ayṯ-Kurinṯ 15:49

Mammec netcabbah ḏi ṣṣifeṯ n wenni itwaṣennƹen zeg ucaȓ, amenni ƹaweḏ iy ɣa ncabbah ḏi ṣṣifeṯ n wenni zeg ujenna.

1 Ayṯ-Kurinṯ 2:7

Lla, neccin nessawaḍ ijjen n ȓefhameṯ ḏayes ȓmaƹna inuffaren n Arebbi ḏ min itwasnuffaren. Izemmem-it Arebbi qbeȓ ma aḏ d ṯexȓeq ȓweqṯ qaƹ ḥima neccin a netwasemɣar.

1 Ayṯ-Kurinṯ 8:3

Walakin wenni itḥibban Arebbi, ataf Arebbi issen-iṯ netta.

2 Ayṯ-Kurinṯ 3:18

Ȓexxu neccin aɣembub nneɣ war iɣmis s walu. Netwaȓa lƹaḍama n Siḏiṯneɣ, netwabeddaȓ bac a niȓi ḏ ijjen n ṣṣifeṯ nnes s yijjen n lƹaḍama itmarnin. Manaya itas-d zi Siḏiṯneɣ ig iǧan ḏ Arruḥ.

Ayṯ-Ufasus 1:11

Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.

Ayṯ-Ufasus 4:24

aḏ teggem ijjen n ṭṭabiƹa ṯenneɣni iƹni ḏ jḏiḏ, ijjen n ṭṭabiƹa iy d ɣa itwaxeȓqen amecnaw wenni n Arebbi ḏayes ȓḥaqq ḏayes min iṣfan.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

Ayṯ-Kulus 3:10

Ȓexxu kenniw ṯeggim ijjen n ṭṭabiƹa nneɣni ḏ jḏiḏ ƹaḏ tḏewwaȓ-d ḏ jḏiḏ, ȓmaƹrifa nnes am ṣṣifeṯ n Lxaliq nnes.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

2 Timutawus 2:19

Walakin dsas ijehḏen n Arebbi war itenhezzi ca, xas iy neqcent ṯira-ya qqarent qa Siḏi Arebbi qa issen iwḏan iǧan nnes. Qqarent ƹaweḏ qa marra yinni icehhḏen s yisem n Siḏiṯneɣ itxeṣṣa u labud aḏ beƹƹḏen x ccarr.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

1 Buṭrus 1:20

U netta itwaxḍar qbeȓ ma d twaxȓeq ddunect-a, walakin ismeḍhar-iṯ-iḏ Arebbi ḏi zman-a aneggaru x ssabab nwem.

1 Yuḥanna 3:2

Ay imƹizzen inu, ȓexxu neccin ḏ ṯarwa n Arebbi. Ƹaḏ war d tmeḍhar ca ṣṣifeṯ nneɣ mamc ɣa ṯiȓi, walakin nessen aḏ tiȓi am netta xmi d ɣa imeḍhar ȓaḥeqqac aṯ nẓer netta mamc iy iǧa.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.