Ayṯ-Ruma 8:28 - Ṯarifiṯ 2020

²⁸ Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

Ayṯ-Ruma 8:28 ပူးပေါင်းရင်းမြစ်များ

Marqus 12:30

Aḏ texseḏ Siḏi Arebbi nnec s marra uȓ nnec, s marra arruḥ nnec, s marra ȓaƹqeȓ nnec, s marra jjheḏ nnec.

Ȓexḏayem 13:48

Yinni war iǧin ca zi Ayṯ-Israʼil wami sȓin min inna Bulus, farḥen ḥemmḏen i wawaȓ n Siḏi Arebbi. Umnen marra yinni ixḍar Arebbi i ṯuḏarṯ n ȓebda.

Ayṯ-Ruma 11:29

Liʼanna Arebbi war ineddem ca x min iticc niɣ x min itixḍar.

Ayṯ-Ruma 8:30

Ṯumma yinni iy tuɣa izemmem zi qbeȓ, iȓaɣa-d xasen. Ṯumma yinni umi d iȓaɣa, isemṣȓaḥ-iṯen akiḏes. Ṯumma yinni isemṣȓaḥ akiḏes, yuca-asen amcan ḏi lƹaḍama nnes.

Ayṯ-Ruma 9:11

Ṯumma ikkar Arebbi inna-as i Rafiqa qa ameqqran aḏ yiȓi ḏ axeddam ɣar umezyan. Iȓaɣa-yas-d Arebbi i netta waha, niṯni war ggin walu. Tuɣa ƹaḏ war d xȓiqen ca ƹaḏ war ggin ȓxir war ggin ccarr, walakin Siḏi Arebbi ixḍar ijjen zzaysen ismeḍhar-d ȓxaḍar nnes iy ɣa yiȓin.

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

1 Ayṯ-Kurinṯ 1:24

Walakin i yinni umi d iȓaɣa Arebbi, iƹni israʼiliyen ḏ yinni war iǧin ca zi Ayṯ-Israʼil, Lmasiḥ netta ḏ jjheḏ n Arebbi ḏ ȓefhameṯ nnes.

1 Ayṯ-Kurinṯ 1:9

Arebbi ḏayes ttiqeṯ, zzayes iy ḏaneɣ d yusa uȓaɣi a nƹacar Memmis iƹni Siḏiṯneɣ Ƹisa Lmasiḥ.

1 Ayṯ-Kurinṯ 2:9

Mamc iqqar Lkitab:

2 Ayṯ-Kurinṯ 5:1

Cuf, neccin nessen meȓa irez uqiḍun-a iƹni ddat nneɣ n ddunect-a, ataf ɣarneɣ ijjen n ṯzeddiɣṯ nneɣni zi Arebbi. Ṯaddarṯ nni war ibnin ca s ifassen tduma i ȓebda.

Ayṯ-Galaṭya 1:15

Walakin Arebbi zi qbeȓ tuɣa iƹzeȓ-ayi nec iƹni ixḍar-ayi ḏeg uƹeddis n yemma ssenni iȓaɣa-ayi-d s arḍa nnes. Wami xafi yarḍa netta, iseḍhar-ayi-d Mmis ḥima azzayes beccareɣ jar ȓegnus. Ȓexddenni war mcawareɣ ak ḥadd.

Ayṯ-Galaṭya 1:6

Nec setƹejjibeɣ ḏaywem, ḏeɣya ṯsemḥem ḏi Arebbi iy ḏawem d iȓaɣan s arḍa n Lmasiḥ ṯḏeffarem can n Lʼinjil nneɣni mzuwwar!

Ayṯ-Galaṭya 5:8

Array-a iy teggem kenniw zaƹma maci zi Arebbi iy ḏawem d itȓaɣan.

Ayṯ-Ufasus 3:11

Manaya iǧa ƹlaḥsab lɣaraḍ n Arebbi zi ȓebda, u lɣaraḍ-a ikemmeȓ-iṯ s Ƹisa Lmasiḥ Siḏiṯneɣ.

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Filippas 3:14

Tḥawaȓeɣ x manayenni iy xef rezzuɣ bac aḏ rebḥeɣ ljaʼiza nni iy zi ḏayi d iȓaɣa Arebbi ɣares ɣar ujenna s Ƹisa Lmasiḥ.

1 Ayṯ-Salunik 5:9

Qa war ḏaneɣ ixḍar ca Arebbi bac axaneɣ ikk uɣḍab; Lla, qa ixḍar-aneɣ bac a nenjem s ufus n Siḏiṯneɣ Ƹisa Lmasiḥ.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

2 Timutawus 2:19

Walakin dsas ijehḏen n Arebbi war itenhezzi ca, xas iy neqcent ṯira-ya qqarent qa Siḏi Arebbi qa issen iwḏan iǧan nnes. Qqarent ƹaweḏ qa marra yinni icehhḏen s yisem n Siḏiṯneɣ itxeṣṣa u labud aḏ beƹƹḏen x ccarr.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

1 Yuḥanna 4:10

S manayenni minzi ḏas qqaren ȓemḥibbeṯ. Maci ḏ neccin iy ixsen Arebbi, ḏ netta iy ḏaneɣ ixsen wami d issekk Mmis aḏ yiȓi ḏ lfidya x ȓmuƹṣiyaṯ nneɣ.

1 Yuḥanna 4:19

Neccin ntexs minzi netta ixes-aneɣ ḏ amezwaru.

Lwaḥi 3:19

Nec trebbiɣ nehhiɣ marra wenni tḥibbiɣ. Cek lʼiman nnec sejheḏ-iṯ, tub.