Ayṯ-Ruma 8:15 - Ṯarifiṯ 2020

¹⁵ Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

Ayṯ-Ruma 8:15 ပူးပေါင်းရင်းမြစ်များ

Matta 25:25

Ggwḏeɣ zzayek, ruḥeɣ snuffareɣ tmenyaṯ nnec ḏi ṯmurṯ, u aqac tmenyaṯ nnec.

Marqus 14:36

Inna: "A Baba cek kuȓci ṯzemmareḏ-as, sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Luqa 11:2

Inna-asen Ƹisa: "Meȓmi ɣa ṯeẓẓaǧem inim ammu: A Babaṯneɣ, ḏ ameqqran ig iǧa yisem nnec. Aḏ d yas ȓmulk nnec.

Luqa 22:42

Inna: "A Baba, meȓa ṯexseḏ sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Luqa 8:28

Wami yufa Ƹisa ḏinni ibḏa isnekkar ṯɣuyyeṯ, iwḍa ɣar iḍaren n Ƹisa indeq-d s yijjen n ṯmijja ṯuƹȓa inna-as: "A Ƹisa a Mmis n Arebbi Yuƹȓan, min ṯexseḏ zzayi? Tettareɣ zzayek ḥima war ḏayi tƹeddibeḏ ca!"

Luqa 8:37

Uca ttaren zi Ƹisa marra ayṯbab n jjiheṯ n ijariṯiyen ḥima axasen ibeƹƹeḏ minzi ggwḏen aṭṭas. Inya ḏi ṯɣarrabut iƹqeb ssenni.

Yuḥanna 16:8

Xmi d ɣa yas, aḏ d isbeyyen i yiwḏan n ddunect ɣalṭen x ȓmuƹṣiyeṯ ḏ min iṣeȓḥan ḏ lḥisab.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Ȓexḏayem 16:29

Inna lḥaris n ȓeḥbes ceƹƹȓem ȓefnaraṯ. Iruḥ itazzeȓ ɣar Bulus ḏ Silas isejjeḏ-asen ɣar iḍaren nsen ibḏa iterjiji.

Ȓexḏayem 2:37

Iwḏan nni wami sȓin i wawaȓ-a, uȓawen nsen cemḍen. Kkaren nnan-as i Buṭrus ḏ arrusul nneɣni: "Ay ayṯma, min ɣa negg?"

Ayṯ-Ruma 8:16

Iƹni Arruḥ n Arebbi s yixef nnes ig iṣaḥḥen ḏi arruḥ nneɣ belli neccin ḏ ṯarwa n Arebbi.

Ayṯ-Ruma 8:23

U maci niṯni waha, uȓa ḏ neccin umi immuc Arruḥ iqeddsen ḏ amezwaru nnehhek ḏeg yixef nneɣ. Ḏayneɣ mezȓi, neccin netraja zi Arebbi aḏ d isbeyyen belli neccin ḏ ṯarwa nnes, iƹni aḏ ifekk ddat nneɣ.

Ayṯ-Ruma 8:26

Fa ammu Arruḥ iqeddsen itƹawan-aneɣ ḏi ḍḍuƹef nneɣ. Neccin war nessin ca mliḥ minxef ɣa neẓẓaǧ, walakin Arruḥ iqeddsen s yixef nnes itṭalab-as i Arebbi x ssabab nneɣ s unhak war itsemiƹen.

Ayṯ-Ruma 9:4

Niṯni ḏ Ayṯ-Israʼil, itbenna-ṯen Siḏi Arebbi. Ismeḍhar-asen-d lƹaḍama nnes, iƹaheḏ-iṯen, yuca-asen ccariƹa n Musa ḏ lƹibada, iwƹeḏ-iṯen.

1 Ayṯ-Kurinṯ 2:12

War ḏaneɣ d yuci ca arruḥ n ddunect-a, yuca-aneɣ-d Arruḥ iy d yusin zi Arebbi ḥima a nefhem ṯimesȓayin nni iy ḏaneɣ d yuca Arebbi baṭeȓ.

2 Ayṯ-Kurinṯ 11:4

Liʼanna kenniw ṯeqqarem maƹlic waxxa yusa-d ɣarwem ijjen itbeccaren s yijjen n Ƹisa nneɣni mzuwwar maci ḏ wenni iy xef netbeccar neccin zi qbeȓ. Niɣ ḏeɣya ṯqebbȓem ijjen n arruḥ nneɣni mzuwwar maci ḏ wenni iy tuɣa ṯqebȓem zi qbeȓ. Niɣ ḏeɣya ṯqebbȓem ijjen n Lʼinjil nneɣni mzuwwar maci ḏ wenni iy tuɣa ṯqebȓem zi qbeȓ.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Ayṯ-Galaṭya 5:1

Ɣar lḥurriya iḍȓeq-aneɣ-d Lmasiḥ bac a niȓi ḥurr ḏ ṣṣaḥ. Beddeṯ nican baƹda, war tejjaṯ ca axawem ibesseȓ ƹaweḏ ijjen n dqeȓ n ṯzayȓut n isemɣan.

Ayṯ-Ufasus 1:5

S ȓemḥibbeṯ nnes izemmem-aneɣ bac aḏaneɣ itbenna am ṯarwa nnes s Ƹisa Lmasiḥ ƹlaḥsab lɣaraḍ n ȓxaḍar nnes.

2 Timutawus 1:7

Aqa Arebbi war ḏaneɣ yuci ca ijjen n arruḥ n ṯiggwḏi; Lla, qa yuca-aneɣ-d ijjen arruḥ n jjheḏ ḏ ȓemḥibbeṯ ḏ ȓeḥkam x yixef nneɣ s ȓaƹqeȓ.

Iƹibraniyen 2:15

U ƹaweḏ Ƹisa aḏ d iḍȓeq i yinni iǧan ḏ isemɣan zi ȓexȓuq iƹni yinni xasen ṯḥekkem ṯiggwḏi zi ȓmewṯ uca aḏ iȓin ḥurr.

Yaƹqub 2:19

Cek tamneḏ belli Arebbi netta ḏ ijjen? Iwa mliḥ, walakin uȓa ḏ ccayaṭin tamnen s manayenni terjijin.

1 Yuḥanna 4:18

Iƹni ȓemḥibbeṯ war ṯessin ca ṯiggwḏi. Ȓemḥibbeṯ iy iǧan ṯekmaȓ aḏ tazzeȓ x ṯiggwḏi, mayemmi? Ȓaḥeqqac ṯiggwḏi tas-d zi ȓxuf n lƹiqab. Wenni iteggwḏen, netta ȓemḥibbeṯ nnes ƹaḏ war zzayes ṯejjiwen ca.