Ayṯ-Ruma 8:14 - Ṯarifiṯ 2020

¹⁴ U yinni iḏeffaren Arruḥ n Arebbi, ḏ yinni iy iǧan ḏ ṯarwa n Arebbi.

Ayṯ-Ruma 8:14 ပူးပေါင်းရင်းမြစ်များ

Matta 5:9

Ssaƹḏ nsen i yinni iṣeǧḥen iwḏan, aqa niṯni aṯen semman amecnaw ṯarwa n Arebbi.

Yuḥanna 1:12

Yinni iy ṯ iqebȓen umnen zzayes zeg yisem nnes, yuca-asen netta ṯizemmar ḥima aḏ ḏewȓen ḏ ṯarwa n Arebbi.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

Ayṯ-Ruma 8:5

Cuf, yinni itƹicen ƹlaḥsab ṭṭabiƹa ṯaƹeffant nsen xeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen. Walakin yinni itƹicen ƹlaḥsab abriḏ n Arruḥ xeddmen s ȓxaḍar nsen ḏi ṯmesȓayin n Arruḥ.

Ayṯ-Ruma 8:9

Amma kenniw, meȓa izeddeɣ ḏaywem Arruḥ n Arebbi, ataf aḏ tƹicem x ubriḏ n Arruḥ ataf war teggem array i ṭṭabiƹa ṯaƹeffant nwem. U wenni war ɣar iǧi Arruḥ n Lmasiḥ, war iǧi ca zi Lmasiḥ.

Ayṯ-Ruma 9:26

U ḏeg umcan nni wenni mani ḏasen inna Arebbi: Kenniw war ṯeǧim ca ḏ ccaƹb inu, ḏinni iy ḏasen ɣa ȓaɣan a ṯarwa n Arebbi iddaren.

Ayṯ-Ruma 9:8

Manaya ixes aḏ yini ṯarwa n Arebbi ḏ ṣṣaḥ twaḥessben zi ṯarwa n ȓƹaheḏ, maci zi ṯarwa n bnaḏem.

2 Ayṯ-Kurinṯ 6:18

aḏ iȓiɣ ḏ babaṯwem, kenniw aḏ tiȓim ḏ ṯarwa inu ḏ yissi inu. Amenni iqqar Arebbi izemmaren i kuȓci.>

Ayṯ-Galaṭya 3:26

Ḏi Ƹisa Lmasiḥ aqa kenniw marra iḏwem ḏ ṯarwa n Arebbi s lʼiman.

Ayṯ-Galaṭya 4:5

Mayemmi? Ḥima aḏ iqeddem lfidya x yinni iy xef ṯḥekkem Ccariƹa n Musa bac aḏaneɣ itbenna Arebbi a niȓi ḏ ṯarwa nnes.

Ayṯ-Galaṭya 4:6

Wami ṯḏewȓem kenniw ḏ ṯarwa n Arebbi, issekk-d Arruḥ n Mmis yuḏef ḏeg wuȓawen nneɣ ɣar ḏaxeȓ itȓaɣa iqqar, a Baba a Baba inu!

Ayṯ-Galaṭya 5:16

Fa nniɣ-awem, tƹiceṯ ƹlaḥsab ȓxaḍar n Arruḥ iqeddsen ṯumma war tseƹƹifem ca ccehawaṯ n ṭṭabiƹa ṯaƹeffant nwem.

Ayṯ-Galaṭya 5:18

U meȓa ȓxaḍar n Arruḥ iqeddsen indeh-ikenniw, ataf war xawem ṯḥekkim ca ccariƹa.

Ayṯ-Ufasus 1:5

S ȓemḥibbeṯ nnes izemmem-aneɣ bac aḏaneɣ itbenna am ṯarwa nnes s Ƹisa Lmasiḥ ƹlaḥsab lɣaraḍ n ȓxaḍar nnes.

Ayṯ-Ufasus 5:9

Aqa nnur itarew-d min iǧan ḏ aṣebḥan ḏ min iǧan nican ḏ min iǧan ḏ lḥaqiqa.

1 Yuḥanna 3:1

Xzareṯ mecḥaȓ ḏ ṯameqqrant ȓemḥibbeṯ iy ḏaneɣ d yuca Babaṯneɣ wami netwasemma ḏ ṯarwa n Arebbi! U ḏ ṣṣaḥ ammu iy neǧa. Ddunect-a, mayemmi war ḏaneɣ ṯessin ca neccin? Ȓaḥeqqac uȓa ḏ netta war ṯ ṯessin ca.

1 Yuḥanna 3:24

Wenni ig isxeddamen ȓuṣiyaṯ nnes ataf aḏ iƹic ḏi Arebbi, Arebbi izeddeɣ ḏayes. Mammec ɣa negg neccin a nessen belli izeddeɣ ḏayneɣ? Nessen-iṯ s Arruḥ nni iy ḏaneɣ d yuca.

Lwaḥi 21:7

Wenni ɣa irebḥen aḏ iwareṯ ḏi ṯmesȓayin-a. Nec aḏ iȓiɣ ḏ Arebbi nnes, netta aḏ yiȓi ḏ mmi.