Ayṯ-Ruma 7:21 - Ṯarifiṯ 2020

²¹ Falihaḏa nec ufiɣ ḏeg yixef inu ijjen n ṭṭabiƹa, iƹni xmi texseɣ aḏ ggeɣ can ṯmesȓayṯ ḏ ṯaṣebḥant, ufiɣ ḏinni ccarr yuḏes.

Ayṯ-Ruma 7:21 ပူးပေါင်းရင်းမြစ်များ

Luqa 4:1

Iḏweȓ-d Ƹisa zeg iɣzar n Lʼurdun iccur s Arruḥ iqeddsen, ȓexddenni yuwi-ṯ Arruḥ nni ɣar ȓexȓa.

Yuḥanna 8:34

Inna-asen Ƹisa: "Aqa tesȓam ȓḥaqq: Marra wenni iteggen ȓmuƹṣiyeṯ netta ḏ ismeɣ, bab nnes ḏ ȓmuƹṣiyeṯ.

Ayṯ-Ruma 6:12

Falihaḏa ixeṣṣa war tejjim ca ȓmuƹṣiyeṯ aḏ teḥkem x ddat nwem iy ɣa ifnan ḥima war teggem ca array i ccehweṯ nnes.

Ayṯ-Ruma 6:14

Aqa ȓmuƹṣiyeṯ war ṯeqqim ca aḏ teḥkem xawem liʼanna war ṯeǧim ca swadday n ufus n ccariƹa, aqawem swadday n arḍa n Arebbi.

Ayṯ-Ruma 7:23

walakin tafeɣ ijjen n ṭṭabiƹa nneɣni ḏeg yixef inu ig itmenɣan ak min ɣari ḏi ȓaƹqeȓ inu. S ṭṭabiƹa-ya teqqen-ayi ȓmuƹṣiyeṯ nni iy ḏayi izeddɣen ḏeg yixef inu.

Ayṯ-Ruma 7:25

Tcekkareɣ Arebbi ƹlaḥsab Siḏiṯneɣ Ƹisa Lmasiḥ! S manaya ḏi ȓaƹqeȓ inu nec ḏ ismeɣ n ccariƹa n Arebbi, nec ḏi ddat inu ḏ ismeɣ n ṭṭabiƹa n ȓmuƹṣiyeṯ.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 4:15

Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.

2 Buṭrus 2:19

Ḍemmnen-asen iṯarrasen-a lḥurriya i yiwḏan walakin yina bab nsen netta ḏ ȓefna. Ȓaḥeqqac min iteḥkamen x bnaḏem netta ḏ bab nnes.