Ayṯ-Ruma 7:18 - Ṯarifiṯ 2020

¹⁸ Nec ṭṭabiƹa ṯaƹeffant inu ssneɣ war ḏayes ṯezḏiɣ uȓa ḏ ijjen n ṯmesȓayṯ ḏ ṯaṣebḥant. Liʼanna rezzuɣ aḏ ggeɣ ṯimesȓayin ṯiṣebḥanin, walakin war zemmareɣ aṯent ggeɣ.

Ayṯ-Ruma 7:18 ပူးပေါင်းရင်းမြစ်များ

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Luqa 11:13

Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar, iƹni iticc Arruḥ iqeddsen i yinni ḏas ṯ itettaren."

Yuḥanna 3:6

Min itwaxeȓqen zi ddat, nettaṯ ḏ ddat. Min itwaxeȓqen zi Arruḥ n Arebbi, netta ḏ arruḥ.

Ayṯ-Ruma 13:14

Walakin, ggeṯ ȓeḥwayej n Siḏiṯneɣ Ƹisa Lmasiḥ. War rehham ca ak ṭṭabiƹa ṯaƹeffant nwem, war tseƹƹafeṯ ca ccehawaṯ nnes.

Ayṯ-Ruma 7:15

War sent tefhimeɣ ca i ȓexḏayem inu liʼanna nec war teggeɣ min xseɣ aṯ ggeɣ, teggeɣ min tƹiffiɣ.

Ayṯ-Ruma 7:19

Ṯimesȓayin nni ṯiṣebḥanin iy texseɣ aṯent ggeɣ war ṯent teggeɣ ca; Lla, ccarr nni iy war texseɣ aṯ ggeɣ teggeɣ-ṯ.

Ayṯ-Ruma 7:25

Tcekkareɣ Arebbi ƹlaḥsab Siḏiṯneɣ Ƹisa Lmasiḥ! S manaya ḏi ȓaƹqeȓ inu nec ḏ ismeɣ n ccariƹa n Arebbi, nec ḏi ddat inu ḏ ismeɣ n ṭṭabiƹa n ȓmuƹṣiyeṯ.

Ayṯ-Ruma 7:5

Liʼanna qbeȓ wami tuɣa ntegg array i ṭṭabiƹa ṯaƹeffant nneɣ, arnint ḏayneɣ ccehawaṯ ḏ ṯiƹeffanin ƹlaḥsab min ḏaneɣ ṯenna ccariƹa, xeddment ccehawaṯ nni ḏi ddat nneɣ uca ntarew ȓexḏayem itawin ɣar ȓmewṯ.

Ayṯ-Galaṭya 5:17

Liʼanna min ṯrezzu ṭṭabiƹa ṯaƹeffant nneɣ netta ḍed n min irezzu Arruḥ iqeddsen. U amenni min irezzu Arruḥ iqeddsen netta ḍed n min ṯrezzu ṭṭabiƹa ṯaƹeffant nneɣ. Tƹarraḍen i wayawya ssenni war teggem ca ṯimesȓayin-a iy ṯexsem aḏ teggem.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Filippas 2:13

Minzi ḏ Arebbi ig isxeddamen array nwem ḏ ȓexḏayem nwem bac aḏ teggem lɣaraḍ nnes ḏ aṣebḥan.

Ayṯ-Filippas 3:12

War iǧi ca ṣafi ṭṭfeɣ marra ṯimesȓayin nni niɣ ṣafi war ḏayi bu ca n ȓƹib; Lla, nec ƹaḏ tḥawaȓeɣ aḏ ṭṭfeɣ ṯimesȓayin nni iy zi ḏayi iṭṭef Ƹisa Lmasiḥ.

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.

1 Buṭrus 4:2

X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.