Ayṯ-Ruma 6:3 - Ṯarifiṯ 2020

³ Ma war ṯessinem ca kenniw? Neccin, wami netwaṭehhar s waman ḥima a niȓi ḏ ijjen ak Lmasiḥ, netwaṭehhar akiḏes ḥima a ncarec ḏi ȓmewṯ nnes.

Ayṯ-Ruma 6:3 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Ȓexḏayem 19:5

Sȓin i manaya ruḥen twaṭehharen s waman ƹlaḥsab isem n Siḏiṯneɣ Ƹisa.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 8:16

Ƹaḏ war d ihwi Arruḥ uȓa x yijjen zzaysen minzi tuɣa twaṭehharen s waman ƹlaḥsab isem n Siḏiṯneɣ Ƹisa u ṣafi.

Ayṯ-Ruma 6:16

Ma war ṯessinem ca? Meȓa ṯsellmem ixef nwem i can yijjen ṯḏewȓem ḏ isemɣan ṯṭaƹam-as, ataf aḏ tḏewȓem ḏ isemɣan i wenni umi ṯṭaƹam. Imma aḏ tṭaƹem i ȓmuƹṣiyeṯ itawin ɣar ȓmewṯ, imma aḏ tṭaƹem i wenni iy kenniw ɣa yawin ɣar ṣṣulḥ akiḏes.

Ayṯ-Ruma 6:8

Fa meȓa nemmuṯ neccin ak Lmasiḥ, ntamen ƹaweḏ akiḏes neddar.

Ayṯ-Ruma 7:1

Ay ayṯma, ssawaȓeɣ akiḏwem ṯessnem ccariƹa. Ma war ṯessinem illa ccariƹa ṯḥekkem x bnaḏem iy iddaren waha?

1 Ayṯ-Kurinṯ 10:2

Marra niṯni twaṭehharen s waman ƹlaḥsab Musa wami ƹḏun ḏeg useynu nni ḏ ȓebḥar nni.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 15:29

Cuf, yinni itwaṭehharen s waman ƹlaḥsab i yinni immuṯen, man nnfaƹ iy rezzun niṯni? Meȓa ḏ ṣṣaḥ zaƹma belli yinni immuṯen war d twasnekkaren ca, mayemmi iwḏan-a tetwaṭehharen s waman ƹlaḥsab i yinni immuṯen?

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

1 Ayṯ-Kurinṯ 5:6

Maci mliḥ wami teftaxarem. War ṯessinem ca illa ɣir ḏrus n untun iy d isgaƹƹaḏen marra ȓƹajneṯ n urecṯi?

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

1 Ayṯ-Kurinṯ 9:13

Ma war ṯessinem ca yinni ixeddmen ḏi ṯemziḏa kessin-d lmakla nsen zzayes, ḏ yinni ixeddmen ḏi ȓmeḏbaḥ kessin-d ȓḥaqq nsen zi min itwaɣarrṣen ḏi ȓmeḏbaḥ?

1 Ayṯ-Kurinṯ 9:24

Ma war ṯessinem ca ṯazȓa nni iteggen ḏi lmelƹab? Marra tazzȓen walakin ijjen waha iy ɣa irebḥen ljaʼiza. Ammeni uȓa ḏ kenniw itxeṣṣa aḏ tazȓem bac at ṯrebḥem.

2 Ayṯ-Kurinṯ 13:5

Jarrbeṯ ixef nwem ma aqa kenniw ḏi lʼiman. Rajƹeṯ ixef nwem. Yac ṯessnem qa Ƹisa Lmasiḥ aqaṯ ḏaywem? Iƹni meȓa war ṯesqiṭem ca.

Ayṯ-Galaṭya 3:27

Liʼanna kenniw ig itwaṭehharen s waman bac aḏ tiȓim ḏi Lmasiḥ, aqa ṯmunem kenniw ḏ ijjen akiḏes.

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.