Ayṯ-Ruma 6:21 - Ṯarifiṯ 2020

²¹ Ḏi ȓweqṯ nni, ṯimesȓayin nni ma ḏaysent can nnfaƹ minzi ȓexxu tseḏḥam? Walu, liʼanna ṯimesȓayin nni tawint ɣar ȓmewṯ.

Ayṯ-Ruma 6:21 ပူးပေါင်းရင်းမြစ်များ

Ayṯ-Ruma 1:32

Waxxa ssnen Arebbi iḥekkem xasen s ȓmewṯ x yinni iteggen ṯimesȓayin-a, niṯni kkaren teggen-ṯent. Ktar zi manaya, reṭṭan x yinni iy ṯent iteggen.

Ayṯ-Ruma 5:12

Iḏen, ṯban-d ȓmuƹṣiyeṯ ɣar ddunect s yijjen n bnaḏem, iƹni Adam. S ȓmuƹṣiyeṯ nni iy ṯeǧa ȓmewṯ. Ssenni ṯnefreq ȓmewṯ x yiwḏan marra liʼanna iwḏan marra ƹṣan.

Ayṯ-Ruma 6:16

Ma war ṯessinem ca? Meȓa ṯsellmem ixef nwem i can yijjen ṯḏewȓem ḏ isemɣan ṯṭaƹam-as, ataf aḏ tḏewȓem ḏ isemɣan i wenni umi ṯṭaƹam. Imma aḏ tṭaƹem i ȓmuƹṣiyeṯ itawin ɣar ȓmewṯ, imma aḏ tṭaƹem i wenni iy kenniw ɣa yawin ɣar ṣṣulḥ akiḏes.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

Ayṯ-Ruma 7:5

Liʼanna qbeȓ wami tuɣa ntegg array i ṭṭabiƹa ṯaƹeffant nneɣ, arnint ḏayneɣ ccehawaṯ ḏ ṯiƹeffanin ƹlaḥsab min ḏaneɣ ṯenna ccariƹa, xeddment ccehawaṯ nni ḏi ddat nneɣ uca ntarew ȓexḏayem itawin ɣar ȓmewṯ.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

Ayṯ-Ruma 8:6

Aqa yinni ixeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen ataf aḏ mmṯen. Walakin yinni ixeddmen s ȓxaḍar nsen ḏi ṯmesȓayin n Arruḥ ataf aḏ ddaren aɣarsen yiȓi ȓehna.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

Iƹibraniyen 10:29

Y kenniw, min tfekkarem? Mecḥaȓ iy ɣa yiȓi lƹiqab ig isḏaheǧ wenni iseḥqaren Mmis n Arebbi, isexnez iḏammen n ȓƹaheḏ nni iy zi itwassiṣfa, izebbeȓ Arruḥ n arḍa!

Iƹibraniyen 6:8

Walakin meȓa ṯamurṯ nni ṯseɣmay-d ɣir isennanen ḏ ṯzeggwarṯ, ataf nettaṯ ḏ walu aqat ḏi lxaṭar aḏ twanƹeȓ, aȓ uneggaru at sḥarqen s ṯmessi.

Yaƹqub 1:15

Ṯumma ccehweṯ-a wami ṯeysi aƹeddis ṯurew-d ȓmuƹṣiyeṯ, ṯumma ȓmuƹṣiyeṯ-a wami ṯemɣar ṯejja-d ȓmewṯ.

1 Buṭrus 4:17

Aqa ṯuweḍ-d ȓweqṯ bac aḏ ibḏa lḥisab jar ayṯbab n ṯeddarṯ n Arebbi. Meȓa aḏ ibḏa lḥisab-a jaraneɣ min ɣa iweqƹen i yinni war itṭiƹin ca i Lʼinjil n Arebbi?

1 Yuḥanna 2:28

A iḥenjiren, ȓexxu ƹiceṯ ḏayes ḥima aɣarneɣ ṯiȓi ijjen n ttiqeṯ war zzayes narewweȓ ca s useḏḥi xmi d ɣa yas aḏaneɣ d imeḍhar.

Lwaḥi 16:6

Aqa wami sizzȓen iḏammen n ȓmuminin ṣṣaliḥin ḏ lʼanbiya, ṯuciḏ-asen aḏ swen iḏammen uȓa ḏ niṯni ȓaḥeqqac sḏaheǧen manayenni."

Lwaḥi 20:14

Ṯmenḍar-d ȓmewṯ ḏ Lʼaxira ḏi ȓebḥar n ṯmessi. Qa ȓebḥar nni n ṯmessi netta ig iǧan ḏ ȓmewṯ wis ṯnayen.